بريتانيا بيلىگى ەۋرووداقتان ءدال قاشان شىعاتىنىن ايتتى

بىرىككەن كورولدىك ەۋرووداقتان 2019-جىلعى 29- ناۋرىز كۇنى لوندون ۋاقىتىمەن 23:00 دە نەمەسە ورتالىق ەۋروپا ۋاقىتىمەن 00:00 دە شىعۋى ءتيىس.

بريتانيانىڭ وداقتان شىعۋ ۋاقىتى بۇرىن دا بەلگىلى بولاتىن. لوندون ەۋرووداقتان Brexit پروتسەسى باستالعاننان كەيىن تۋرا ەكى جىلدان سوڭ شىعۋدى جوسپارلاعان. ەندى ۇكىمەت زاڭناماعا ءدال ۋاقىتتى كورسەتىپ تۇزەتۋ ەنگىزدى.

«ءبىز جۇرتشىلىق وكىلدەرى مەن پارلامەنت مۇشەلەرىن تىڭدادىق، بۇل تۇزەتۋ قۇجاتتامالاردى جۇرگىزۋ كەزىندە شاتاسۋعا جول بەرمەۋ ماقساتىندا ەنگىزىلىپ وتىر»، - دەيدى Brexit ماسەلەلەرى جونىندەگى مينيستر دەۆيد دەۆيس.

ۇلى بريتانيانىڭ ەۋرووداققا مۇشەلىگى ماسەلەسى شەشىلگەن رەفەرەندۋم وتكەن جىلدىڭ 23- ماۋسىمىندا بولدى. Brexit- ءتى قولداۋشىلار Q,9 داۋىس جيناپ جەڭىسكە جەتكەن.

اعىمداعى جىلدىڭ 29- ناۋرىزىندا بىرىككەن كورولدىكتىڭ پرەمەر-مينيستر تەرەزا مەي بريۋسسەلگە ەلدىڭ وداقتان شىعۋى بويىنشا ەكى جىلدىق پروتسەدۋرالاردىڭ باستالعانى تۋرالى رەسمي مالىمدەدى. ول 2019-جىلدىڭ ناۋرىزىندا اياقتالۋى ءتيىس.