استانادا ءتورتىنشى اۋداندى اشۋ ماسەلەسى قارالىپ جاتىر

استانا. قازاقپارات - بۇل تۋرالى قالالىق ءماسليحاتتىڭ بيۋدجەت، ەكونوميكا، ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ وتىرىسىندا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ەرعالي ەگەمبەردى ءمالىم ەتتى،

 دەپ حابارلايدى قازاقپارات ەلوردا ينفو مەديا- پورتالىنا سىلتەمە جاساپ.

 ەلورداداعى ءۇش اۋدان مەن ءبىرقاتار باسقارمالاردىڭ الداعى جىلدارعا ارنالعان بيۋدجەتىمەن تانىستىرعان ول، جاڭا اۋدان قۇرۋعا قاتىستى ايتىپ ءوتتى. ونىڭ سوزىنە سۇيەنسەك، بۇل ماسەلە الدىمىزداعى ەكى- ءۇش ايدا شەشىلۋى ءتيىس. جاڭا اۋدان شەكاراسىنا ءوندىرىس، كيرپيچنىي تۇرعىن الاپتارى كىرمەك. اۋدان اشىلعان كەزدە ونى دامىتۋ باعدارلاماسى جاسالادى. باعدارلاماعا اباتتاندىرۋ، كوگالداندىرۋ ماسەلەلەرى ەنگىزىلەدى.