بۇل ەلىمىزدەگى سۋ قويمالارىنا قوندىرىلعان العاشقى قۇرىلعى، دەپ حابارلايدى قازاقپارات ءتىلشىسى.
كوكتەمگى تاسقىن كەزىندە اقتوبەدە 1 مىڭنان استام ءۇيدى سۋ باسىپ، 100 گە جۋىق ءۇي جارامسىز كۇيگە تۇسكەن بولاتىن. بۇعان دەيىن حابارلاعانىمىزداي، «قورقانات اقتوبە» قورى قۇرىلىپ، ءار اۋدان ءبىر وتباسىعا پاتەر، تۇرمىستىق تەحنيكا الىپ بەردى. ءىرى مۇناي كومپانيالارىنىڭ جۇمىسشىلارى ءبىر كۇندىك جالاقىسىن اۋدارىپ، جان- جاقتى كومەك كورسەتىلدى. الداعى ۋاقىتتا سۋ تاسقىنىنىڭ الدىن الۋ ءۇشىن دابىل جۇيەسىن قوندىرۋ مىندەتتەلگەن. ەلىمىز بويىنشا اقتوبە سۋ قويماسىنا القاشقى زاماناۋي دابىل جۇيەسى ورناتىلدى.
«دابىل قوندىرعىسى سۋ تاسقىنى تۋرالى حاباردى الدىن الا تاراتادى. ياعني، سۋ قويماسى ماڭىنداعى اۋىلدارعا حابار تەز جەتەدى. قوندىرعى سۋ قويماسىنداعى سوڭعى مالىمەت توتەنشە جاعدايلار قىزمەتىنە جەتكىزىلىپ، ورتاق جۇيە ارقىلى اۋىلدارعا اقپارات تارايدى»، - دەدى «قازسۋشار» ر م ك اقتوبە بولىمشەسىنىڭ باسشىسى بەكزات نامەتوۆ.
ايتا كەتەيىك، جاڭا قوندىرعىنىڭ قۇنى - 170 ميلليون تەڭگە. قارجىنى ب ۇ ۇ دامۋ جونىندەگى باعدارلاماسى ءبولىپ، ەلىمىزدە العاشقى تاجىريبەنى قولعا الدى. سۋ قويماسىنا قوندىرىلعان ارنايى قۇرىلعى قىسىمدى انىقتايدى، سۋ دەڭگەيىن حابارلايدى. بۇل كوكتەمگى سۋ تاسقىنىنىڭ الدىن الۋعا، قاۋىپسىزدىك شاراسىن كۇشەيتۋگە ارنالعان جوبا.