قازاقستاندىق كاسىپكەرلەر بۇگىنىن عانا ويلاماۋى كەرەك - نەمىس ساراپشى
«گەرمانيا وكىلى ۋلريح مايەر جامبىل وبلىسىنا «بيزنەستىڭ جول كارتاسى-2020» باعدارالاماسى اياسىندا كەلگەن» ، - دەدى جامبىل وبلىستىق كاسىپكەرلەر پالاتاسىنىڭ باسپا ءسوز حاتشىسى شۋحرات حاشيموۆ.
قازاقستانداعى كاسىپكەرلىكتىڭ دامۋ دەڭگەيىنە قانداي باعا بەرەسىز دەگەن سۇراققا ۋلريح مايەر اشىق جاۋاپ بەردى: «ەگەر سىزدەر بيزنەستىڭ دامۋىن شىنىمەن قولداعىلارىڭىز كەلسە، بارلىق ەرەجەنى تۇبەگەيلى وزگەرتۋ قاجەت. جالپى، قازاقستانداعى، سونىڭ ىشىندە جامبىل وبلىسىنداعى بيزنەس سالاسىنىڭ دامۋىنا وڭ باعا بەرەمىن» ، - دەدى ول. ساراپشىنىڭ پىكىرىنشە، كاسىپكەرلەر پالاتاسى مەن باسقا دا مەمورگاندار ەلدەگى بيزنەس- كليماتتى جاقسارتۋ ءۇشىن كوپتەگەن جۇمىستار جۇرگىزىپ جاتىر.
«سىزدەردىڭ كاسىپكەرلەرىڭىزگە ايتار ءبىر تىلەگىم بار - ولار بارىن قاناعات تۇتىپ، ءبىر كۇنىمەن ءومىر سۇرمەۋى كەرەك. بارلىعى ءوز ءىسىنىڭ بولاشاعى ءۇشىن جۇمىس ىستەۋى كەرەك. بيزنەستە بۇگىنگى پايدا نەمەسە تابىس بولماۋى كەرەك. ەگەر ءسىزدىڭ ءىسىڭىز ءبىر جولعا ءتۇسىپ، ءدال وسىنداي ءۇردىس جالعاساتىن بولسا، ول ءسىزدىڭ دامىماي قالعانىڭىزدى بىلدىرەدى. ءوزىن- ءوزى جەتىلدىرىپ، دامىپ، تەك قانا العا جىلۋ كەرەك. ەكىنشى ماسەلە - اۋىلدىق جەرلەردە جالاقىنىڭ تومەن بولۋى. ەۋروپادا اۋىل شارۋاشىلىعى جۇمىسشىلارى، باسقا دا سالالاردىڭ قىزمەتكەرلەرى ايتارلىقتاي كوپ جالاقى الادى، ال بۇل تۋرالى تەك مەملەكەت قانا ەمەس، بيزنەسمەندەر دە ويلانۋى قاجەت» ، - دەدى ول.