الەمنىڭ ەڭ جاس ۇلتى افريكادا

 بۇل ءبىز ويلاعانداي الەمنىڭ مەدينيتساسى وزىق دامىعان، الدىڭعى قاتارلى مەملەكەتتەردە ەمەس، ءۇشىنشى الەم سانالاتىن افريكالىق مەملەكەتتەردە بولىپ شىقتى. جاقىندا الەمنىڭ 228 مەملەكەتىنە مونيتورينگ جۇرگىزگەن World bymap organization قاۋىمداستىعىنىڭ ستاتيستيكاسى وسى تۇجىرىمعا كەلدى.

بۇل رەيتينگكە سۇيەنسەك، حالىقتىڭ %50 جۋىعىن 15 جاسقا دەيىنگى جەتكىنشەكتەر قۇرايتىن مەملەكەتتەردىڭ العاشقى وندىعىنا افريكالىق ەلدەر كىرەدى. كوش باسىندا نيگەريالىقتار تۇر. بۇل مەملەكەتتە 15 جاسقا دەيىنگى تۇرعىنداردىڭ ۇلەس سالماعى حالىقتىڭ% 49,3 قۇرايدى. رەيتينگتىڭ العاشقى وندىعىنا: ۋگاندا% 48,3، مالي% 47,3، مالاۆي %46,5، زامبيا% 46,1، بۋرۋندي% 45,6، بۋركينو فاسو% 45، موزامبيك% 44,9، وڭتۇستىك سۋدان% 44,9 جانە تانزانيا %44,1 كورسەتكىشىمەن ەنگەن. افريكا قۇرلىعىندا جاسوسپىرىمدەردىڭ ۇلەس سالماعى باسىم بولۋى، بۇل قۇرلىقتاعى تۋۋ كورسەتكىشىنىڭ جوعارىلىعىمەن تۇسىندىرىلەدى. سونىمەن قاتار قارا قۇرلىقتا سوڭعى جىلدارى مەديتسينالىق جاردەم جاقسارىپ، سابيلەردىڭ ءولىم كورسەتكىشى تومەندەگەن.

 ال قازاقستان رەيتينگتە 104-ورىننان كورىنىپتى. ءبىزدىڭ ەلدە جەتكىنشەكتەر حالىقتىڭ %25,7 قۇرايدى دەسەدى. بۇدان بولەك باۋىرلاس كورشىلەرىمىز تۇركىمەندەردە %26، قىرعىزستاندا% 30، تاجىكستاندا %32,6، وزبەكستاندا% 24,2 كورسەتكىشتەرى تىركەلىپتى.

 دايىنداعان: دىنمۇحامەد مۇحامەتجانوۆ

Massaget.kz