ق ر پارلامەنت ماجىلىسىنە قىتايدان ارنايى دەلەگاتسيا كەلدى
«كەزدەسۋ بارىسىندا قازاقستان مەن قىتاي اراسىنداعى ساياسي ءوزارا ءىس- قيمىلدى تەرەڭدەتۋ، ساۋدا- ەكونوميكالىق ىنتىماقتاستىقتى دامىتۋ، مادەني قاتىناستى كۇشەيتۋ، سونداي- اق حالىقارالىق جانە ايماقتىق دەڭگەيدەگى ماڭىزدى ماسەلەلەر قوزعالدى. تاراپتار قازاقستان مەن قىتاي باسشىلارىنىڭ ساليقالى ساياساتىنىڭ ارقاسىندا ديپلوماتيالىق قارىم- قاتىناس ورناعان 25 جىل ىشىندە قول جەتكىزىلگەن دوستىق، ارىپتەستىك، تاتۋ كورشىلىك قارىم- قاتىناستى العا تارتا كەلىپ، قازاقستان پرەزيدەنتىنىڭ «نۇرلى جول» باعدارلاماسى مەن ق ح ر ءتوراعاسىنىڭ «ءبىر بەلدەۋ- ءبىر جول» باستاماسى ۇزاقمەرزىمدى ءوزارا ورتاق ءىس- قيمىلدىڭ جارقىن كورىنىسىنە اينالعانىن، ونىڭ تابىستى جۇزەگە اسىرىلۋى ەكى ەل دامۋىنا تىڭ سەرپىن بەرەتىنىن اتاپ ءوتتى» ، - دەلىنگەن ءماجىلىس اپپاراتى باسپا ءسوز قىزمەتىنىڭ مالىمەتىندە.
ءوز كەزەگىندە گو گەنماو قوس مەملەكەت اراسىنداعى ىقپالداستىق بارلىق سالادا جىل سايىن تەرەڭدەپ كەلە جاتقانىن، اسىرەسە ا و س ش ك، ش ى ۇ سىندى باسقا دا حالىقارالىق ۇيىمدار اياسىندا قازاقستان مەن قىتاي ەلدەرى قاتىناسىنىڭ ارتا تۇسكەنىن جەتكىزدى. ۆ. بوجكو وسى تابىستاردى ودان ءارى ەسەلەي ءتۇسۋ ءۇشىن ەكى ەل پارلامەنتتەرىنىڭ ءرولى زور ەكەنىن ايتىپ، پارلامەنتارالىق بايلانىستى نىعايتۋعا نازار اۋداردى. تاراپتار وسىنداي ءتۇرلى دەڭگەيدەگى كەزدەسۋلەر، ءىس- ساپارلار ەلدەر اراسىنداعى ستراتەگيالىق ارىپتەستىكتى ودان ءارى دامىتا تۇسەتىنىنە توقتالدى. جۇزدەسۋدە قىتاي مەن قازاقستان اراسىندا اسىرەسە، اۋىلشارۋاشىلىعى سالاسى بويىنشا ارىپتەستىكتى ىنتالاندىرۋ اڭگىمە وزەگىنە اينالدى. وسى تاقىرىپ ودان ءارى ءماجىلىستىڭ اگرارلىق ماسەلەلەر مەن بۇكىل قىتايلىق حالىق وكىلدەرى جينالىسىنىڭ اۋىلشارۋاشىلىعى جانە اۋىل ىستەرى جونىندەگى كوميتەتتەر وكىلدەرىنىڭ جەكە كەزدەسۋىندە تالقىلانىپ، تۇشىمدى ويلار ايتىلدى. شاراعا اگرارلىق ماسەلەلەر كوميتەتىنىڭ ءتوراعاسى ساپارحان وماروۆ باستاعان ءبىرقاتار ءماجىلىس دەپۋتاتتارى قاتىستى.
اۆتور: رۋسلان عابباسوۆ