بۇل تۋرالى «قازاۆتوجول» ۇلتتىق كومپانياسىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
ەلىمىزدىڭ ينفراقۇرىلىمىن دامىتۋعا باعىتتالعان «نۇر جول» مەملەكەتتىك باعدارلاماسى اياسىندا جالپى ۇزىندىعى 1291 شاقىرىمدى قۇرايتىن استانا- قاراعاندى- بالقاش- الماتى باعدارى بويىنشا «ورتالىق- وڭتۇستىك» جوباسى جۇزەگە اسىرىلۋدا.
«ۇزىندىعى 171 شاقىرىمدى قۇرايتىن استانا- تەمىرتاۋ ۋچاسكەسىنىڭ قازىرگى ۋاقىتتا 105 شاقىرىمى پايدالانۋعا بەرىلگەن. بۇعان قوسا، تاس جول بويىندا قاۋىپسىزدىك پەن ۇزدىكسىز قوزعالىس قامتاماسىز ەتىلگەن. قالعان 66 شاقىرىمدا جولدىڭ ينجەنەرلىك ورنالاستىرۋ جۇمىستارى جۇرگىزىلۋدە. تولىقتاي اياقتاۋ 2017 -جىلدىڭ 4 -توقسانىندا كوزدەلگەن»، - دەلىنگەن كومپانيا اقپاراتىندا.
اعىمداعى جىلى تەمىرتاۋ- قاراعاندى ۋچاسكەسىندە 14 شاقىرىمدىق اۆتوموبيل جولىن جاڭعىرتۋ جۇمىستارى باستالعان. وسى جىلدىڭ سوڭىنا قاراي استانا- قاراعاندى جولى كولىك قوزعالىسىنا اشىلادى. ءبىراق، جۇمىستاردى تولىقتاي اياقتاۋ 2018 -جىلعا جوسپارلانىپ وتىر. مۇنان بولەك، «قاراعاندى قالاسىن سولتۇستىك- شىعىس اينالما جولى» ۋچاسكەسىندە جۇمىستار باستالىپ، 47 شاقىرىم اۆتوموبيل جولىن 4 جولاقتى كولىك قوزعالىسىنا، 1-ب تەحنيكالىق ساناتىنا سايكەستەندىرىپ جاڭعىرتۋ جوسپارلانعان.
«قازىرگى ۋاقىتتا «قازاۆتوجول» كومپانياسىنىڭ بولىمشەلەرى ۇزىندىعى 228 شاقىرىمدى قۇرايتىن بۋرىلبايتال- كۇرتى اۆتوجولى ۋچاسكەسىن جاڭعىرتۋ جۇمىستارىن باستادى. جوبا حالىقارالىق قارجى ينستيتۋتتارىنىڭ قاراجاتى ەسەبىنەن اتاپ ايتقاندا 143 شاقىرىمى ەۋروپالىق قايتا قۇرۋ جانە دامۋ بانكى، 85 شاقىرىمى حالىقارالىق قايتا قۇرۋ جانەن دامۋ بانكى ەسەبىنەن جۇزەگە اسىرىلادى. اتالعان ۋچاسكەدەگى جۇمىستاردى تولىق اياقتاۋ 2020 -جىلعا جوسپارلانعان»، - دەپ حابارلادى كومپانيادان.