ينتەرنەت ارقىلى ساۋدا جاسايتىندار سالىقتان بوساتىلماق
بۇل تۋرالى سەناتتا جاڭا سالىق كودەكسىن تانىستىرۋ بارىسىندا ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ مالىمدەدى، دەپ حابارلايدى قازاقپارات.
«كەلەسى ءبىر تۇزەتۋ ەلەكتروندىق ساۋداعا قاتىستى بولىپ وتىر. بۇگىندە نەگىزىنەن جەكە ادامداردىڭ، ءوزىن- ءوزى جۇمىسپەن قامتىعانداردىڭ ساۋداسى جەلىگە، ينتەرنەتكە، WhatsApp, Instagram-عا كوشىپ جاتىر. وسى ورايدا، ءبىز ەلەكتروندىق ساۋداعا سەرپىن بەرۋگە تىرىستىق، ياعني تەك ەلەكتروندىق ساۋدامەن عانا اينالىساتىنداردى كورپوراتيۆتى تابىس سالىعانىن، جەكە تابىس سالىعىنان بوساتۋ ەسكەرىلگەن. بۇل تۇزەتۋدى ەنگىزدىك. ول بەس جىل بويى جۇمىس ىستەيدى جانە ەلەكتروندىق ساۋدانى جانداندىرىپ، ونى زاڭدى جۇمىسىن قامتاماسىز ەتەدى»، - دەدى رۋسلان دالەنوۆ.
ونىڭ سوزىنە قاراعاندا، كودەكس جوباسىندا يدەولوگيانى وزگەرتۋ، ىنتالاندىرۋدى ەنگىزۋ مەن كەمشىلەندىرۋدى جەڭىلدەتۋ كوزدەلدى. يدەولوگيا ادال سالىق تولەۋشىلەردى قورعاۋعا باعىتتالاتىن بولادى. ەكونوميكانىڭ ءارتۇرلى سالالارى ىنتالاندىرۋمەن قامتىلىپ، اكىمشىلەندىرۋ جەڭىلدەتىلەدى جانە سالىقتى ءوز بەتىنشە تولەۋگە ىنتالاندىرماق.
ر. دالەنوۆتىڭ سوزىنە قاراعاندا، شاعىن جانە ورتا بيزنەس، اگرارلىق سەكتور ءۇشىن دە سالىقتىق ىنتالاندىرۋ شارالارى ۇسىنىلىپ وتىر.