تەڭگە نىعايا ءتۇسۋى ىقتيمال - ق ر ۇ ب

استانا. قازاقپارات - اعىمداعى جىلدىڭ سوڭىنا قاراي تەڭگە باعامى نىعايا ءتۇسۋى ىقتيمال. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىنان كەيىنگى بريفينگتە ق ر ۇلتتىق بانك ءتوراعاسى دانيار اقىشيەۆ ايتتى، دەپ حابارلايدى قازاقپارات.

 ونىڭ سوزىنە قاراعاندا، قازىرگى ۋاقىتتا ۆاليۋتا نارىعىنداعى جاعداي تولىقتاي تۇراقتى.

«ايىرباس باعامى تاريحي تۇرعىدا قالىپتاسقان مۇناي باعاسى مەن ساۋدا سەرىكتەس ەلدەردەگى ۆاليۋتا باعامىن ەسكەرە وتىرىپ، بەلگىلى ءبىر شەكتە اۋىتقۋدا. ايىرباس باعامىنىڭ ايتارلىقتاي تۇزەتىلۋى ءۇشىن ەشقانداي دا العىشارت كورىپ وتىرعانىمىز جوق. بۇعان قوسا، جىلدىڭ سوڭىنا قاراي ەكسپورتتاۋشىلاردىڭ سالىق تولەمدەرىن تولەۋى اياسىندا ولار تاراپىنان شەتەلدىك ۆاليۋتا ۇسىنىسى ارتادى. ال بۇل تەڭگەنىڭ نىعايا تۇسۋىنە تۇرتكى بولادى»، - دەدى دانيار اقىشيەۆ.

اۆتور: مارلان جيەمباي