كورشى ەلدەردىڭ سۋ قويماسى قازاقستاننىڭ وڭتۇستىگىنە قاۋىپ ءتوندىرىپ تۇر
دەپ حابارلايدى قازاقپارات.
«وبلىستا سۋ تاسقىنىنىڭ الدىن الۋ جۇمىستارى جوسپارعا سايكەس جۇرگىزىلۋدە. كۇندەلىكتى سۋ قويمالارى مەن وزەن جاعدايى قاداعالاۋعا الىنىپ، مونيتورينگ جۇرگىزىلۋدە. دەگەنمەن، وبلىستا ەڭ وزەكتى ماسەلەلەردىڭ ءبىرى - ترانسشەكارالىق سىرداريا وزەنى بويىندا ورنالاسقان كورشىلەس ەلدەردەگى سۋ قويمالارىنداعى سۋ مولشەرى. بۇل ءبىزدى الاڭداتۋدا.
قازىرگى تاڭدا كەلگەن مالىمەتتەر بويىنشا توقتاعۇل سۋ قويماسىنىڭ جوبالىق سىيىمدىلىعى 19,5 ميلليون تەكشە مەتر بولسا، قازىرگى جاعدايدا 99 پايىزعا تولىپ تۇر. قايراقۇمنىڭ جوبالىق سىيىمدىلىعى 3 ميلليون 800 مىڭ تەكشە مەتر بولسا، قازىرگى جاعدايدا 86 پايىزعا، ياعني 3 ميلليون 281 مىڭ تەكشە مەتر تولعان»، - دەدى ول.
وبلىس باسشىسىنىڭ ق ر اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ مالىمەتتەرىنە سۇيەنگەن دەرەگىنە سايكەس، شاردارا سۋ قويماسىنا سەكۋندىنا 4 مىڭ تەكشە مەتر سۋ كەلۋ بولجامى بار. ياعني، بۇل شاردارا سۋ قويماسىنا قاۋىپ تۋعىزادى. سەبەبى شاردارا سۋ قويماسىنىڭ سۋدى تومەن تاستاۋعا ارنالعان گيدروتەحنيكالىق جۇيەلەرىنىڭ مۇمكىنشىلىگى سەكۋندىنا 2315 تەكشە مەترد عانا قۇرايدى.
«بىرىنشىدەن، وتكەن جىلدىڭ تاجىريبەسىن ەسكەرە وتىرىپ، شاردارا سۋ قويماسىن كەمىندە 2018 -جىلدىڭ قاڭتار ايىنا دەيىن ترانزيتتىك رەجىمدە ۇستاۋدى، ەكىنشىدەن قاۋىپ تونگەن جاعدايدا كورشىلەس قىرعىزستان، تاجىكستان، وزبەكستان رەسپۋبليكالارىمەن كەلىسىم ارقىلى كەلگەن سۋدىڭ مولشەرىن ازايتۋعا جانە ارناساي ويپاتىنا سۋ جىبەرۋ ماسەلەسىن ۇكىمەت دەڭگەيىندە شەشۋدى، ءۇشىنشى شاردارا سۋ قويماسىنان جوسپارلى تۇردە قىزىلقۇم ويپاتىنا سەكۋندىنا 2100 تەكشە مەتر اپاتتى سۋ تاستاۋ قۇرىلىمى قۇرىلىسىن سالۋدى ۇسىنامىز. بۇل جاڭا ۇسىنىسىمىز. ويتكەنى، 4000 تەكشە مەتر سۋ كەلگەن جاعدايدا سەكۋندىنا قالعان 1685 تەكشە مەتر سۋ شاردارا سۋ قويماسىن 15-20 كۇننىڭ ىشىندە تولتىرىپ تاستايدى.
ءتورتىنشى، قىس مەزگىلىندە قاۋىپتى جاعداي تونگەن كەزدە شاردارا سۋ قويماسىنان قىزىلوردا وبلىسىنا تاستالاتىن سۋ مولشەرىنىڭ كولەمىن ۇلعايتىپ، رەتتەۋ كەرەك. جالپى، قازىرگى تاڭدا وبلىستا سۋ تاسقىنى قاۋپى جوق. بۇل الدىمىزداعى كەزەڭدەرگە ارنالعان جوبالار»، - دەدى جانسەيىت تۇيمەبايەۆ.
«بۇل وتە كۇردەلى ماسەلە. سول سەبەپتى اسقار يسابەك ۇلى (ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى) بۇل ماسەلەنى وتە مۇقيات باقىلاپ وتىرۋ قاجەت»، - دەدى ۇكىمەت باسشىسى باقىتجان ساعىنتايەۆ.
اۆتور: مارلان جيەمباي