ولاردىڭ ومىرىنە ەش قاۋىپ ءتونىپ تۇرعان جوق، دەپ ءمالىم ەتتى ر ف قورعانىس مينيسترلىگى.
«6- قاراشادا دەير- ەز-زور قالاسىنىڭ تۇرعىن ءۇي ورامدارىنىڭ بىرىندە رەسەيلىك ب ا ق وكىلدەرى جۇمىس جاساپ جاتقان شاقتا تەرروريستەردىڭ باسقارىلاتىن فۋگاسى جارىلعان.
جارىلىس سالدارىنان ءتورت رەسەيلىك جۋرناليست: يليا ۋشەنين (ن ت ۆ)، تيمۋر ۆورونوۆ (ن ت ۆ)، كونستانتين حۋدولەيەۆ («زۆەزدا») جانە دميتري ستارودۋبسكي («زۆەزدا»)، سونداي-اق جەرگىلىكتى جەردى ميناسىزداندىراتىن رەسەيلىك ميناعا قارسى ورتالىقتىڭ بەس اسكەري قىزمەتشىسى زارداپ شەكتى»، - دەدى ۆەدوموستۆودان.
بارلىق جارالانعاندار شۇعىل تۇردە رەسەيلىك حمەيميم اۋە بازاسىنا (لاتاكيا پروۆينتسياسى) ەۆاكۋاتسيالانىپ، ءتيىستى مەديتسينالىق جاردەم كورسەتىلگەن.
«دارىگەرلەردىڭ ايتۋىنشا، ولاردىڭ ومىرىنە ەشقانداي قاۋىپ ءتونىپ تۇرعان جوق»، - دەپ قوستى قورعانىس مينيسترلىگى.