«ەڭ الدىمەن، ەۋرازيالىق ەكونوميكالىق سوتتىڭ قۇزىرەتى قانداي ەكەنىن بىلگەن دۇرىس. ەگەر بۇل ماسەلەدە ساياسي سيپات بولسا، ءبىز ارالاسپايمىز. ال ەگەر ەكونوميكالىق وداقتىڭ كەلىسىمىندە قارالعان ەرەجەلەردىڭ بۇزىلۋىنا بايلانىستى ءبىر مەملەكەتتىڭ ەكىنشى مەملەكەتتىڭ الدىنا كەسە- كولدەنەڭ تارتقان ماسەلەسى بولسا، البەتتە ارالاسامىز. ءوتىنىم تۇسىرسە ءتۇسىرسىن، سوت قارايتىن بولادى»، - دەيدى ول.
ۆەنەرا سەيتيموۆانىڭ ايتۋىنشا، اتالعان سوتتا قازىرگى ۋاقىتتا قازاقستان مەن قىرعىزستان اراسىنداعى مەملەكەتارالىق داۋ جوق. «ەش تاراپتان ەشقانداي ءوتىنىم نەمەسە شاعىم تۇسپەگەندىكتەن، ءتىپتى سوتقا دەيىنگى دە ەشقانداي مالىمەتتىڭ جوقتىعىن ايتقىمىز كەلەدى. ال ب ا ق ءارتاراپتا اقپارات بەرەتىنىن بىلەسىز. دەمەك، ونداعى اقپارات ەشتەڭەنى بىلدىرمەيدى. باسقا جاعدايدا ءبارى سوتتا انىقتالادى دەپ جاۋاپ بەرەر ەدىك. مەملەكەتتەر كەيبىر ماسەلەلەردى ءوزارا شەشىپ الۋىنا دا بولاتىنىن جاڭا دا ايتىپ وتتىك»، - دەيدى ول.
ە ا ە و سوتىنىڭ سۋدياسى قازىرگى ۋاقىتتا ەش تاراپتان ەشقانداي شاعىم تۇسپەگەنىن ەسكە سالدى. «ب ا ق- تا جاريالانعان مالىمەت سول ماندەگى شەشىمدى بىلدىرمەيدى. ول ماسەلە باسقا دەڭگەيدە شەشىلەتىندىكتەن، سوتتىڭ بۇعان ەش قاتىسى جوق. ءبىز تەك ناقتى جەكە ماسەلەلەرمەن اينالىسامىز. ب ا ق- تا جازىلعانداي دەڭگەيدەگى ءىستى قارامايمىز»، - دەيدى ە ا ە و سوتىنىڭ سۋدياسى.
ايتا كەتەرلىگى، بۇگىن استانادا «قازاقستان مەن ەۋرازيالىق ەكونوميكالىق وداق زاڭناماسىنا سايكەس، انتيمونوپوليالىق قاداعالاۋ» تاقىرىبىندا سەمينار ءوتىپ جاتىر. شاراعا وتاندىق ەكونوميكا ساراپشىلارىمەن بىرگە، مينسكتەن كەلگەن ە ا ە و سوتىنىڭ سۋدياسى ۆەنەرا سەيتيموۆا مەن ە ا ە و انتيمونوپوليالىق قاداعالاۋ دەپارتامەنتى ديرەكتورىنىڭ ورىنباسارى ءادىل قاليەۆ قاتىسۋدا.
ەسكە سالا كەتسەك، بۇدان بۇرىن قىرعىز رەسپۋبليكاسىنىڭ اقپاراتتىق اگەنتتىگى قىرعىز كاسىپكەرلەرى ەكونوميكالىق مۇددەسىن قورعاۋ ماقساتىندا ەۋرازيالىق ەكونوميكالىق وداق سوتىنا جۇگىنگەلى وتىرعانى تۋرالى اقپارات تاراتقان بولاتىن. ال قازاقستان تاراپى (ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى عوسمان ءامرين) ەلدىڭ اراسىنداعى كەدەندىك سۇراقتارعا بايلانىستى ماسەلەنى رەتكە كەلتىرۋ بويىنشا قىرعىز تاراپى رەسمي تۇردە جاۋاپ بەرمەگەنىن ءمالىم ەتكەن ەدى. قازاقستان ۇكىمەتى قىرعىز تاراپىنىڭ بەس پرينتسيپتى باعىت بويىنشا سىندارلى ۇستانىمىنا ءۇمىت ارتىپ وتىر.
اۆتور: ايان بەكەن ۇلى