ءوزىن ولتىرمەك بولعان مايكل دجەكسوننىڭ قىزى ەندى ارۋلارعا ۇلگى بولعىسى كەلەتىنىن ايتتى
پەريس دجەكسون بۇرىندارى ءوزىن جەك كورگەن كەزدەرى تۋرالى ايتتى. بۇگىندە بۇل ويىنان باس تارتقان مايكلدىڭ قىزى الداعى ۋاقىتتا جاس ارۋلارعا ۇلگى بولۋدى كوزدەپ وتىرعانىن مالىمدەدى.
بۇل تۋرالى شەتەلدىك باسىلىمعا سىلتەمە جاساپ Stan.kz حابارلايدى.
«قازىر قايىرىمدىلىققا بەت بۇرىپ، پۋەرتو- ريكوداعى داۋىلدان زارداپ شەككەن وتباسىلارعا كومەكتەسىپ جاتىرمىن. ولار مەن ءۇشىن العاشقى ورىندا. الداعى ۋاقىتتا كوپكە ۇلگى بولعىم كەلەدى. بالالار دا، اتا- انالار دا ماعان قىزىعىپ قاراسا دەيمىن. ارينە، مەن ءمىنسىز ەمەسپىن. ءبىراق وزگەلەرگە ەرەكشەلىگىمدى كورسەتكىم كەلەدى. مەن دە باسقالار سياقتى كادىمگى اداممىن"، - دەپ ءتۇسىندىردى پەريس.
سونداي- اق، مايكل دجەكسوننىڭ قىزى ءبىر كەزدەرى ءوزىن جەك كورگەنىن ايتتى. الايدا ول كۇندەردىڭ ارتتا قالعانىنا سەنىم بىلدىرگەن پەريس قازىرگى تاڭدا ءوزىن ماقتان تۇتانىنىن مالىمدەدى.
«كەيدە دەنەم وزىمە ۇنايدى، ال كەيدە ۇنامايدى. بۇرىن ءوزىمدى قاتتى جەك كورەتىنمىن، ەندى ول شاقتى ارتتا قالدىرعانىما ريزامىن. مەن ءوزىمدى جاقسى كورەمىن جانە ماقتان تۇتامىن"، - دەدى دجەكسون اعىنان جارىلىپ.
بۇدان وزگە، پەريس قاراپايىم ادامدار سياقتى ءومىر سۇرگىسى كەلەتىنىن ايتتى. دوستارىمەن بىرگە ۋاقىت وتكىزىپ، تازا اۋادا تىنىستاعاندى ءجون كورەتىنىن جاسىرمادى.
«مەنىڭ ءتورت ءيتىم مەن ءۇش مىسىعىم بار، ولار - مەنىڭ بار ءومىرىم. جۇمىس پەن دەمالىستان بولەك، مەنىڭ ءبىر كۇندىك ءومىرىم كىتاپ وقۋدان، جانۋارلارمەن نەمەسە باۋىرلارىممەن سەرۋەندەۋدەن تۇرادى. جالپى ءومىرىم قىزىققا تولى، باقىتتىمىن"، - دەپ تۇيىندەدى ءسوزىن بويجەتكەن.
ايتا كەتەيىك، پەريس ۋاقىتىنىڭ كوپ بولىگىن اعاسى پرينسپەن بىرگە وتكىزەدى. 2009 -جىلى مايكل دجەكسون ومىردەن قايتقاندا پەريس 11, ال پرينس 12 جاستا بولاتىن. ال ولاردىڭ ىنىلەرى، پرينس Ⅱنەبارى 7 جاستا ەدى. كوزى ءتىرى كەزىندە مايكل بالالارىن ب ا ق قۇرالدارىنان جاسىرىن ۇستادى. الايدا قازىرگى ۋاقىتتا دجەكسوننىڭ قىزى ءجيى سۇحبات بەرىپ، جۋرنال مۇقابالارىنا شىعىپ تۇرادى.