بىرنەشە كۇن بويى كوشە ورتاسىندا جۇرگەن تۇلكى جەلى قولدانۋشىلارىنىڭ قىزىعۋشىلىعىن تۋدىردى. اشەيىندە ادامدى كورسە، قىر اسىپ قاشاتىن ول قالانىڭ شۋىن ەلەر ەمەس.
تۇرعىنداردىڭ كوبى قالاعا كەلگەن دالانىڭ اشىققان ءتۇز تاعىسىن قۇتىرۋ اۋرۋىن تاراتۋى مۇمكىن دەپ الاڭدايدى.
وبلىستىق تابيعات رەسۋرستارى جانە تابيعاتتى پايدالانۋدى رەتتەۋ باسقارماسى باسشىسى ورىنباسارى ميحايل سەمىشەۆتىڭ ايتۋىنشا، وڭىردەگى بارلىق ورمان شارۋاشىلىقتارىندا ادامدار اڭدارعا جەم شاشۋ جۇمىستارىن جۇرگىزىپ جاتىر. ازىرگە تۇلكىلەردىڭ جاپپاي اۋىلدارعا كىرۋى نەمەسە ءولۋى سەكىلدى اقپاراتتار تۇسپەگەن.
«قازىر كوپتەگەن شارۋاشىلىقتار ساتاتىن استىعىن تاسىپ جاتىر، ال جول شەتىندە شاشىلعان استىق اڭ-قۇستاردىڭ نەسىبەسىنە اينالىپ تۇر. سول سەبەپتى قالا ىشىنە ەنىپ كەتۋى مۇمكىن»، - دەيدى ول.
سۋرەتتەر الەۋمەتتىك جەلىلەردەن الىندى