امەريكالىق ساراپشى كەلل برۋكقا قانات يسلاممەن جۇدىرىقتاسۋعا كەڭەس بەردى
جۋىردا برۋك Behind the Gloves ارناسىنا بەرگەن سۇقباتىندا كەلەسى كەزدەسۋىن 154 فۋنتتا وتكىزەتىنىن ايتقان ەدى. ال ستاردجەستىڭ پىكىرىنشە، بۇل سالماقتا برۋك قازاقستاندىق بوكسشى قانات يسلاممەن جۇدىرىقتاسقانى دۇرىس ەكەن.
«برۋكتىڭ 154 فۋنتقا اۋىسقانى دۇرىس. ءبىراق، ول وزىنە الداعى ۋاقىتتا قاي سالماقتا ونەر كورسەتەتىنىن ناقتى انىقتاپ الۋ كەرەك. نەگىزى برۋك ءۇشىن 154 فۋنت دۇرىس شەشىم بولادى. سەبەبى، ءبىرىنشى ورتا سالماقتاعى WBO بەلبەۋىنىڭ يەگەرى ميگەل كوتتو جەلتوقسان ايىنداعى كەزدەسۋدەن كەيىن كارەراسىن اياقتاپ، بەلبەۋ بوس قالادى. وسى كەزدە برۋك تا بۇل بەلبەۋدەن ءۇمىتتى بولىپ، قانات يسلام، ليام ۋيليامس، ماگومەد كۋربانوۆ جانە دجون ۆەرا سەكىلدى بوكسشىلارمەن كەزدەسەدى. ال برۋكتىڭ بۇل بوكسشىلاردىڭ جەڭۋگە مۇمكىندىگى بار»، - دەلىنگە ماتەريالدا.
ەسكە سالايىق، 2016-جىلى برۋك ورتا سالماققا اۋىسىپ، قازاقستاندىق بوكسشى گەننادي گولوۆكيننەن جەڭىلىپ قالدى. ال سوڭعى كەزدەسۋىندە بريتاندىق بوكسشى ەررول سپەنسپەن كەزدەسىپ، تاعى دا جەڭىلىس تاپتى.
ال قانات يسلام سوڭعى كەزدەسۋىن 9- قىركۇيەك كۇنى ەلوردامىز استانا قالاسىندا وتكىزىپ، كانادالىق برەندون كۋكتى (18-1, 11 ك و) توعىزىنشى راۋندتا تەحنيكالىق نوكاۋتپەن جەڭدى. وسىلايشا وتانداسىمىز WBO NABO جانە WBA Inter- Continental بەلبەۋلەرىن قورعاپ قالعان ەدى.
vesti.kz