اۋقىمدى شارا ماسكەۋدە تانىمال كۋتۋرە پەر كاردەننىڭ جەتەكشىلىگىمەن ءوتتى. ماسكەۋدىڭ ۇلكەن كونسەرت زالىندا 20 دان استام مەملەكەتتەن ەڭ اسەم، ەڭ دارىندى جاستارى جينالدى، دەپ حابارلايدى altaynews.kz.
«World Beauty 2017» مەملەكەتتەر مەن الەم حالىقتارىنىڭ اسەمدىك، ءسان، دارىندار بايقاۋلارىنىڭ فينالى بولىپ تابىلادى. ءادىلقازىلار القاسىنىڭ قۇرامىنا رەسەي مەن وزگە دە شەت مەملەكەتتەردىڭ ونەر، ءسان، ەسترادا مەن شوۋ- بيزنەس قايراتكەرلەرى كىردى. ولار قازاقستاندىق ارۋدىڭ كوركىنىڭ اشىقتىعى مەن تابيعي سۇلۋلىعىن جاقسى باعالادى. مەن دانارانىڭ ەلىمىزدىڭ اتىنان لايىقتى ونەر كورسەتكەنىنە رازىمىن»، - دەدى جەڭىمپاز ارۋدىڭ تالىمگەرى، سەمەي ءسان مەكتەبىنىڭ ديرەكتورى اينا توعىسوۆا.
«ءبارى دە جوعارى دەڭگەيدە ءوتتى»، - دەپ ءوزىنىڭ بايقاۋدان العان اسەرلەرىمەن ءبولىستى دانارا بەكمۇرزايەۆا.
«مەن بارلىق ۇمىتكەرلەرمەن دوستاسىپ ۇلگەردىم. مەن ءۇشىن بۇل بايقاۋدىڭ ماڭىزى زور جانە مەن ءوزىمنىڭ وسىعان دەيىنگى جەڭىستەرىمنىڭ كەزدەيسوق ەمەس ەكەنىن دالەلدەي الدىم. بايقاۋ جەڭىمپازدارى پەر كاردەننىڭ ونەر فەستيۆالى مەن وزگە دە حالىقارالىق جوبالارعا شاقىرتۋ الدى. بايقاۋ جەڭىمپازدارىنا اقشالاي سەرتيفيكاتتار مەن ايگىلى اشەكەيلەر ءۇيىنىڭ قولدان جاسالعان ءتاجىن سىيعا تارتتى».