جەلى قولدانۋشىلارىن اس تۇزىمەن سالعان سۋرەتتەر تاڭ قالدىردى - فوتو
ول ءوز تۋىندىلارىن Instagram پاراقشاسىنا جاريالاعان.
ءوز كاسىبىن تاتۋ سۋرەتشىسى رەتىندە باستاعان دينو توميك قازىرگى تاڭدا ۇلكەن كومپانيالاردىڭ تاپسىرىسىمەن ءارتۇرلى تۋىندىلار جاساپ شىعارۋدا.
سولاردىڭ ءبىرى - Ubisoft كومپانياسىنىڭ 10 جىلدىق مەرەيتويىنا ارنايى تاپسىرىسپەن جاساعان كارتيناسى جەلى قولدانۋشىلارىنىڭ قىزىعۋشىلىعىن تۋدىردى.
«كارتينامنىڭ كولەمى 8 X 8 مەتردى قۇرايدى. تۋىندىنى قارا كىلەمنىڭ ۇستىنە ءىرى اس تۇزىن قولدانا وتىرىپ سالدىم. ول ءۇشىن تولىقتاي 2 اپتا ۋاقىت جۇمسادىم. بارلىق جۇمىستى ءوزىمنىڭ تۋعان قالام - نوتوددەندە جاسادىم»، - دەپ جازدى سۋرەتشى ءوزىنىڭ Instagram پاراقشاسىندا.
سونداي-اق، ونىڭ جۇمىستارىنىڭ اراسىندا اق ءتۇستى پلاستيكتىڭ ۇستىنە جارىلعىش زاتتەكتەردى توسەپ، كەيىن ونى جاعىپ جىبەرۋ ارقىلى سالعان سۋرەتتەرى دە بار.
اۆتور: اقبوپە ءابدراسۋل