ەلباسى ءتانتى بولعان جاپونيالىق بارابانشىلار استانادا ونەر كورسەتەدى - فوتو

استانا. قازاقپارات - جاپونيانىڭ قازاقستانداعى ەلشىلىگى ەكى ەل اراسىنداعى ديپلوماتيالىق قاتىناستاردىڭ 25 جىلدىعىنا وراي ءبىرقاتار شارالار دايىندادى، دەپ حابارلايدى قازاقپارات.

اتالمىش شارالاردىڭ ءبىرى - جاپونيادا جانە وزگە دە ءبىرقاتار ەلدەرگە تانىمال «Drum Tao» توبىنىڭ ونەر كورسەتۋى.

مۋزىكانتتار ەجەلگى ءداستۇرلى اسپاپ - ۆادايكودا وينايدى.

ەلشىلىكتىڭ ءۇشىنشى حاتشىسى ساتورۋ تاكاناسيدىڭ اقپاراتى بويىنشا، اتالمىش توپ وتكەن جىلى قازاقستان پرەزيدەنتىنىڭ جاپونياعا تاريحي ساپارى بارىسىندا ونەر كورسەتتى.

سونداي-اق حاتشى جاپونيالىق توپتىڭ ونەرىن ەلباسى ۇناتقانىن، سونىمەن بىرگە ولاردىڭ استاناعا ارنايى شاقىرتىلعاندىعىن جەتكىزدى.

بۇل تۋرالى ەلشىلىك وكىلى قازاقپارات تىلشىسىنە مادەني ميسسيا قۇرمەتىنە وراي وتكەن رەسمي قابىلداۋ راسىمىندە ايتتى.

شارا «حان شاتىر» ساۋدا ويىن-ساۋىق ورتالىعىندا 5- قاراشا كۇنى، ساعات 16:00 دە وتەدى.