قازاقستاننان شىققان باكۋ-تبيليسي-كارس باعىتىنداعى العاشقى پويىز تۇركياعا جەتتى

استانا. قازاقپارات - تۇركيانىڭ مەرسين قالاسىنا قازاقستاننان باكۋ-تبيليسي- كارس (ب ت ك) باعىتى ارقىلى جىبەرىلگەن العاشقى پويىز كەلىپ توقتادى.

بۇل تۋرالى انادولى اگەنتتىگى حابارلادى. پويىز مەرسين قالاسىنا 600 توننا ءبيداي تيەلگەن 30 كونتەينەردى جەتكىزدى. كارس پەن مەرسين ارالىعى 1258 ك م، پويىز ونى 30 ساعاتتا ءجۇرىپ ءوتتى. ب ت ك جەلىسى رەسمي تۇردە 30- قازان كۇنى الياتى اۋىلىنداعى پورتتا (باكۋدەن 90 ك م جەر) اشىلعان بولاتىن.

سالتاناتتى شاراعا تۇركيا پرەزيدەنتى رەجەپ تايپ ەردوعان، ازەربايجان پرەزيدەنتى يلحام اليەۆ، قازاقستان، وزبەكستان جانە گرۋزيا پرەمەر-مينيسترلەرى باقىتجان ساعىنتايەۆ، ابدۋللا اريپوۆ جانە گەورگي كۆيريكاشۆيلي قاتىستى.

باكۋ- تبيليسي-كارس تەمىرجول باعىتى ازەربايجان- گرۋزين-تۇرىك مەملەكەتارالىق كەلىسىمىنىڭ نەگىزىندە سالىنعان. جوبانى جۇزەگە اسىرۋ 2008-جىلى باستالدى.

جوبا اياسىندا گرۋزيانىڭ احالكالاكي ستانتسياسىنان كارس قالاسىنداعى تەمىرجول ستانتسياسىنا دەيىن تەمىرجول جەلىسى سالىنعان بولاتىن. ب ت ك- نىڭ ۇزاقتىعى 826 ك م- ءدى قۇرايدى.