ۇلانباتىردا قازاقستان- موڭعوليا بيزنەس- فورۋمى ءوتتى

 بەيجىڭ- ۇلان- باتىر. قازاقپارات - 2017 -جىلعى 31 - قازان - 1 - قاراشا كۇندەرى ۇلان- باتىر قالاسىندا «ساۋدا ميسسياسى - 2017» 2- قازاقستان- موڭعوليا بيزنەس- فورۋمى ءوتتى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

 شارانى قازاقستان رەسپۋبليكاسىنىڭ موڭعولياداعى ەلشىلىگىنىڭ قولداۋىمەن «KAZAKH INVEST» ۇلتتىق كومپانياسى» ا ق مەن موڭعوليا ۇلتتىق ساۋدا- ونەركاسىپ پالاتاسى ۇيىمداستىردى. وعان قازاقستاننىڭ 14 كومپانياسىنىڭ جانە 100 دەن استام موڭعول شاعىن جانە ورتا بيزنەس سۋبەكتىلەرىنىڭ وكىلدەرى قاتىستى. ەكى ەلدىڭ ساۋدا- ەكونوميكالىق جانە ينۆەستيتسيالىق ىنتىماقتاستىعىن دامىتۋ پەرسپەكتيۆالارىن تالقىلاۋ ماقساتىندا قازاقستان كاسىپكەرلەرى موڭعوليانىڭ مينيسترلىكتەرى مەن كەڭسەلەرىنىڭ باسشىلارىمەن، سونداي- اق الەۋەتتى بيزنەس- سەرىكتەستەرمەن كەزدەسۋلەر ۇيىمداستىردى.