اتباسارلىقتار ءىلياس ەسەنبەرليننىڭ ءۇيىن اباتتاندىرۋدا

كوكشەتاۋ. قازاقپارات- اتباسار قالاسىنداعى مەكتەپتەر مەن بالاباقشالاردىڭ قىزمەتكەرلەرى ءىلياس ەسەنبەرلين تۇرعان ءۇيدىڭ سىرتىن اباتتاندىرۋدا، دەپ حابارلايدى قازاقپارات ءتىلشىسى. اقمولا وبلىستىق ءبىلىم باسقارماسى باسپا ءسوز قىزمەتىنىڭ دەرەگى بويىنشا، قازاق ادەبيەتىنىڭ كورنەكتى جازۋشىسى ءىلياس ەسەنبەرليننىڭ اتباسار قالاسىندا تۋىپ، وسكەن ءۇيى بار.

  اۋداندىق ءبىلىم ءبولىمىنىڭ باستاماسىمەن قالاداعى مەكتەپتەر مەن بالاباقشالاردىڭ قىزمەتكەرلەرى وسى ءۇيدىڭ سىرتىن اباتتاندىرۋدا.

«ەلىمىز بويىنشا «تۋعان جەر» باعدارلاماسى جۇزەگە اسىرىلۋدا. ءبىز دە قازاق حالقى ءۇشىن ءبىرتۋار ۇلى، كورنەكتى جازۋشى ءىلياس ەسەنبەرليننىڭ تۇرعان ءۇيىننىڭ سىرتىن كۇل- قوقىستان تازارتىپ، جونگە كەلتىرۋدى ءجون سانادىق. بۇل ءبىز ءۇشىن ۇلكەن ابىروي»، - دەدى قالالىق ءبىلىم ءبولىمىنىڭ ادىسكەرى اسەل قوزىبەكوۆا.

ەسكە سالا كەتەيىك، ءىلياس ەسەنبەرلين 1915 -جىلى اقمولا وبلىسىنداعى اتباسار قالاسىندا تۋعان. 1940 -جىلى قازاق تاۋ- كەن ينستيتۋتىن بىتىرگەن. ەكىنشىدۇنيەجۇزىلىك سوعىسقا قاتىسقان. سوعىستان كەيىنگى جىلداردا فيلارمونيانى، «جازۋشى» باسپاسىنىڭ باسشىسى ءتارىزدى كوپتەگەن جوعارى لاۋازىمدى قىزمەتتەردى اتقارادى. جازۋشى الماتىدا دۇنيە سالدى.

قازاق ادەبيەتىندە ءى. ەسەنبەرلين جازعان «ايقاس» (1967)، «عاشىقتار» (1968)، «التىن قۇس» (1971)، «كولەڭكەڭمەن قورعاي ءجۇر» (1974)، «ماڭعىستاۋ مايدانى» (1978)، «امانات» (1978) ءتارىزدى وزگە دە تانىمال روماندارىمەن وقىرمان نازارىن وزىنە اۋداردى.

اسىرەسە، «قاھار»، «الماس قىلىش»، «جانتالاس» اتتى تاريحي روماندارى جازۋشىنىڭ مارتەبەسىن اسقاقتاتى.

جازۋشىنىڭ تۋىپ، وسكەن ءۇيى اتباسار قالاسىنداعى ەسەنبەرلين كوشەسىنىڭ (بۇرىنعى سوۆەتسكايا) بويىندا № 48 مەكەنجايى بويىنشا ورنالاسقان. ءۇيدى 1895 -جىلى ونىڭ اكەسى ەسەنبەردى مەن باۋىرى شوقان سالعان ەكەن. ءۇيدىڭ قابىرعاسىنا جازۋشىنىڭ قۇرمەتىنە مەموريالدىق تاقتا ورناتىلعان. اۋدان ورتالىعىندا جازۋشىنىڭ ەسىمىمەن كىتاپحانا دا جۇمىس ىستەيدى.

اۆتور: اسلان وسپانوۆ