قازاقستان مەن جاپونيا ينۆەستيتسيالار سالاسىندا قارىم-قاتىناستى دامىتۋعا نيەتتى

استانا. قازاقپارات - توكيو قالاسىندا «قازاقستان وڭىرلەرى: جاپون ينۆەستيتسيالارىنىڭ پەرسپەكتيۆالارى» اتتى قازاقستان - جاپونيا بيزنەس- فورۋمى جۇمىسىن باستادى.

فورۋم ق ر ينۆەستيتسيالار جانە دامۋ مينيسترلىگى مەن قازاقستاننىڭ جاپونياداعى ەلشىلىگىنىڭ قولداۋىمەن ءوتىپ جاتىر، دەپ حابارلادى primeminister.kz.

قازاقستاندىق دەلەگاتسياعا ق ر ينۆەستيتسيالار جانە دامۋ ۆيتسە-ءمينيسترى ەرلان حايروۆ باسشىلىق ەتتى.

سونىمەن قاتار، فورۋمعا ق ر ۇكىمەتىنىڭ، ي د م، «Kazakh Invest» ۇ ك، وبلىستىق اكىمدىك وكىلدەرى، سونداي-اق قازاقستاندىق كاسىپكەرلەر قاتىستى. فورۋم قاتىسۋشىلارى قازاقستان - جاپونيا بيزنەس قارىم-قاتىناسى سالاسىنداعى جەتىستىكتەردىڭ ناقتى مىسالدارىن، قازاقستان وڭىرلەرىندەگى ينۆەستيتسيالىق مۇمكىندىكتەردى، قازاقستاننىڭ ينۆەستيتسيالىق ساياسات ماسەلەلەرىن جانە جاپونيامەن ەكونوميكالىق قاتىناستاردى دامىتۋ پەرسپەكتيۆالارىن تالقىلاۋدا.

ق ر ينۆەستيتسيالار جانە دامۋ ۆيتسە-ءمينيسترى ەرلان حايروۆ ءوز سوزىندە جاپونيا قازاقستاننىڭ شىعىس ازياداعى باستى ستراتەگيالىق سەرىكتەستەرىنىڭ ءبىرى ەكەنىن اتاپ ءوتتى.

ەكى ەل اراسىنداعى قاتىناستار ستراتەگيالىق، دوستىق جانە سەنىمگە نەگىزدەلگەن سيپاتقا يە. «بىزدە ساۋدا-ەكونوميكالىق ىنتىماقتاستىق بويىنشا ۇكىمەتارالىق كوميسسيا جانە ىسكەرلىك كەڭەس جۇمىس ىستەيدى. 2015-جىلدان باستاپ ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىم ارەكەت ەتەدى. بۇدان وزگە، جاپون ازاماتتارى ءۇشىن قازاقستاندا ۆيزاسىز رەجيم ەنگىزىلگەن. ق ر مەن توكيو، وساكا قالالارىنىڭ اراسىندا تىكەلەي اۋە قاتىناسىن اشۋ بويىنشا نورماتيۆتىك-قۇقىقتىق بازا قۇرىلدى.

وسى شارالار ىسكەرلىك بايلانىستاردىڭ بەلسەندەندىرىلۋىنە جانە ەكى ەل اراسىنداعى ساۋدا- ەكونوميكالىق جانە الەۋمەتتىك بايلانىستاردىڭ دامۋىنا ىقپال ەتۋگە مۇمكىندىك بەرەدى. جاپونيا قازاقستاننىڭ ءىرى ينۆەستورلارىنىڭ ءبىرى. سوڭعى 10 جىلدا جاپونيادان قازاقستانعا تىكەلەي ينۆەستيتسيالاردىڭ ءتۇسىمى $5,5 ميلليارد قۇرادى»، - دەپ مالىمدەدى ەرلان حايروۆ.

ۆيتسە-ءمينيستردىڭ ايتۋىنشا، سوڭعى 10 جىلدا ينۆەستيتسيالىق احۋالدى جاقسارتۋعا باعىتتالعان ماقساتتى جۇمىستاردىڭ ارقاسىندا، قازاقستانعا تىكەلەي شەتەل ينۆەستيتسيالارىنىڭ ءتۇسىمى شامامەن $250 ميلليارد قۇرادى. سونىمەن بىرگە، ۆيتسە-مينيستر بيىل «ءبىر تەرەزە» قاعيداسى بويىنشا يدەيالاردان باستاپ جۇزەگە اسىرىلعانعا دەيىن ينۆەستيتسيالىق جوبالاردى سۇيەمەلدەۋ بويىنشا قىزمەتتەردىڭ تولىق سپەكترىن قامتاماسىز ەتەتىن جانە ءبىرىڭعاي ۇيلەستىرۋ ورتالىعى رەتىندە ارەكەت ەتەتىن، قازاقستانعا ينۆەستيتسيالاردى تارتۋمەن اينالىساتىن Kazakh Invest ۇلتتىق كومپانياسى قۇرىلعانىن ەسكە سالدى.