الماتى- شىمكەنت تاسجولىنداعى جول اپاتىنان زارداپ شەككەندەردىڭ سانى ناقتىلاندى

ەسكە سالايىق، 31 -قازاندا ساعات 03.10-دا جامبىل اۋدانى ايشا ءبيبى اۋىلىنىڭ ماڭىندا 31 جولاۋشى مىنگەن اۆتوبۋس اۋدارىلىپ قالعان ەدى. 20 جاستاعى اۆتوبۋس جولاۋشىسى قازا تاپسا، قالعان جولاۋشىلار ءتۇرلى جاراقات الدى.

جامبىل وبلىستىق ءى ءى د باسپا ءسوز قىزمەتى حابارلاعانداي، «ۆان حول» جولاۋشىلار اۆتوبۋسىندا 49 جولاۋشى مەن ەكى جۇرگىزۋشى بولعان.

«اۆتوبۋس جۇرگىزۋشىسى ءرولدى باسقارا الماي، اۋدارىلىپ قالدى. قازىر وقيعانىڭ ءمان-جايى انىقتالىپ جاتىر. اتالمىش فاكتى سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك 345-بابى 3-ءبولىمى بويىنشا تىركەلدى. قاجەتتى ساراپتامالار تاعايىندالدى»، - دەپ ءتۇسىندىردى قۇقىق قورعاۋ ۆەدومستۆوسىنداعىلار.

وبلىستىق دەنساۋلىق ساقتاۋ باسقارماسىنىڭ دەرەگى بويىنشا، ءۇش زارداپ شەگۋشىگە وقيعا ورنىندا مەديتسينالىق كومەك كورسەتىلگەن. قازىرگى تاڭدا №1 -قالالىق اۋرۋحاناعا 28 ادام جەتكىزىلىپ، ولاردىڭ سەگىزى اۋرۋحاناعا جاتقىزىلعان، ال 19 ادامعا كومەك كورسەتىلىپ، ۇيلەرىنە جىبەرىلگەن. ءبىر بالا وبلىستىق بالالار اۋرۋحاناسىنا جەتكىزىلگەن.