رەسەي قازاق ءالىپبيىن لاتىنعا كوشىرۋگە قاتىستى مالىمدەمە جاسادى

استانا. قازاقپارات - رەسەيدىڭ سىرتقى ىستەر مينيسترلىگى قازاقستانداعى قازاق ءالىپبيىن لاتىنعا كوشىرۋگە قاتىستى مالىمدەمە جاسادى، - دەپ حابارلايدى ريا نوۆوستي.

بۇل ماسەلە تۋرالى رەسەي س ءى م باسشىسىنىڭ ورىنباسارى گريگوري كاراسين مالىمدەگەن. «مەنىڭشە، بۇل جاعدايدا دا ءبىزدىڭ ۇستانىمىمىز بايسالدى، اينالىپ كەلگەندە بۇل قازاقستاننىڭ ىشكى ماسەلەسى - قانداي تىلدەردىڭ قانداي دەڭگەيدە قولدانىلاتىنى»، - دەدى كاراسين.

ول بۇل ماسەلەگە قاتىستى ايرىقشا پروبلەمانىڭ جوق ەكەنىن ايتىپ وتىر.

«ءبىزدىڭ ەكىجاقتى قارىم-قاتىناسىمىزدى بەيىمدەۋدىڭ، ورىس ءتىلىن لاتىنعا قاتىستى جاڭا جاعدايدا قالاي بەيىمدەۋدىڭ امالدارىن تاباتىنىمىزعا سەنىمدىمىن»، - دەدى رەسەيلىك ديپلومات.

مۇنىڭ الدىندا قازاقستان پرەزيدەنتى نۇرسۇلتان نازاربايەۆ قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قول قويعان ەدى.