قازاقستانعا ەرتەڭ يوردانيا كورولى رەسمي ساپارمەن كەلەدى

استانا. قازاقپارات - يوردانيا حاشيميت كورولدىگىنىڭ كورولى ابداللا Ⅱ بەن ءال-حۋسەين 31- قازان مەن 1- قاراشا كۇندەرى استانادا رەسمي ساپارمەن بولادى، دەپ حابارلايدى «قازاقپارات» ح ا ا ءتىلشىسى.

بۇل تۋرالى بۇگىن استانادا ب ا ق الدىندا باسپا ءسوز ءماسليحاتىن وتكىزگەن قازاقستان رەسپۋبليكاسىنىڭ يوردانيا حاشيميت كورولدىگىندەگى توتەنشە جانە وكىلەتتى ەلشىسى ازامات بەردىباي ءمالىم ەتتى.

«يوردانيا حاشيميت كورولدىگىنىڭ كورولى ابداللا Ⅱ بەن ءال-حۋسەين قازاقستاندا ەكى كۇندىك رەسمي ساپارمەن بولادى. رەسمي ساپار اياسىندا قازاقستان مەن يوردانيا ەكىجاقتى قارىم-قاتىناسقا قاتىستى ماسەلەلەر تالقىلانادى»، - دەيدى ازامات بەردىباي.

ەلشىنىڭ ايتۋىنشا، كەلەسى جىلى قازاقستان مەن يوردانيانىڭ قارىم-قاتىناس ورناتقانىنا 25 جىل تولادى.

قازاقستان پرەزيدەنتى يوردانيا ەلىندە 2006- جانە 2009-جىلى بارىپ قايتقان. ال يوردانيا كورولى وسىعان دەيىن قازاقستاندا 6 مارتە رەسمي ساپارمەن كەلىپ، ەكى جاقتى بايلانىس تالقىلانعان. سوڭعى رەت يوردانيا كورولى 2015-جىلى كەلىپ قايتقان.