قانات يسلام دۇنيەجۇزىلىك بوكس قاۋىمداستىعى رەيتينگىندە كوش باستادى

استانا. قازاقپارات - قازاقستاندىق كاسىپقوي بوكسشى قانات يسلام (25-0-0، 20 ك و) ءوز سالماق دارەجەسى بويىنشا دۇنيەجۇزىلىك بوكس قاۋىمداستىعىنىڭ (WBA) جاڭارتىلعان رەيتينگىندە كوش باستادى، دەپ حابارلايدى قازاقپارات.

ءبىرىنشى ورتا سالماقتاعى قانات يسلام WBA رەيتينگىندە ءبىر ساتىعا كوتەرىلىپ، ءبىرىنشى ورىنعا جايعاستى.

ال ءبىرىنشى اۋىر سالماقتاعى وتانداسىمىز يسا اقبەربايەۆ (19-0-0,12 ك و) جانە جارتىلاي ورتا سالماقتاعى جانقوش تۇراروۆ (22-0-0, 15 ك و) 10-ورىننان كورىندى. سوڭعى جەكپە-جەگىندە جەڭىلىس تاپقان جەڭىل سالماقتاعى وتانداسىمىز جانات جاقيانوۆ (27-2-0, 18 ك و) بولسا 5- ورىنعا جايعاستى.

ايتا كەتەيىك، قانات يسلام سوڭعى جەكپە-جەگىن 9 -قىركۇيەك كۇنى وتكىزىپ، كانادالىق برەندون كۋكتى 9-راۋندتا نوكاۋتپەن جەڭدى. ول WBA Inter- Continental جانە WBO NABO بەلدىكتەرىن ءساتتى قورعاپ قالدى.

 

اۆتور: مۇحتار قاليموللا ۇلى