كاپيتانىنا جۇگىرىپ كەلگەن جاۋىنگەر: - جولداس كاپيتان، دوسىما بارىپ، ونى الىپ كەلۋگە رۇقسات بەرىڭىز، - دەپ وتىنەدى. كاپيتان «مىناۋ جىندى ما» دەگەندەي جاۋىنگەرگە قاراپ:
- بارۋعا تۇرمايتىن سياقتى. دوسىڭ اۋىر جارالى، ەندىگى ءولىپ تە قالعان بولار. ءوز ءومىرىڭدى بەكەر قاۋىپ- قاتەرگە تىكپەگەنىڭ دۇرىس. ول بارۋىم كەرەك دەپ كونبەي تۇرىپ الادى. كاپيتان: - جارايدى، بارساڭ بار، - دەپ رۇقسات بەرەدى.
اسكەر جۇگىرىپ ءجۇرىپ دوسىن ارقالاپ تورۋىل جاققا ارەڭ دەگەندە جەتەدى. كاپيتان جارالى اسكەردىڭ جۇرەك سوعىسىن تىڭدايدى دا: - ساعان «ءومىرىڭدى قاۋىپكە تىگىپ بارۋعا تۇرمايدى» دەمەدىم بە؟ دوسىڭ ءبارىبىر قازا بولدى، - دەيدى. - جوق، جولداس كاپيتان، بارۋعا تۇرارلىق بولدى، - دەيدى دەمىن العان جاۋىنگەر.
- قالايشا تۇرارلىق دەيسىڭ؟ بۇل اسكەر ءولدى، كورىپ تۇرعان جوقسىڭ با؟ ! - ءبارىبىر تۇرارلىق. ويتكەنى، دوسىمنىڭ قاسىنا بارعانىمدا ول ءالى ءتىرى ەدى. ونىڭ سوڭعى ءسوزىن ەستۋ مەن ءۇشىن وتە ماڭىزدى بولدى، - دەدى دە جىلاپ جىبەرىپ، دوسىنىڭ سوڭعى سوزدەرىن قايتالادى:
- «كەلەتىنىڭدى ءبىلىپ ەدىم! كەلەتىنىڭدى ءبىلدىم! راقمەت، دوسىم.. .»
Massaget.kz