قىتايدا سۋتەكپەن جۇرەتىن الەمدەگى العاشقى ترامۆاي ىسكە قوسىلدى

 جاڭا كولىكتى CRRC كورپوراتسياسى جاساپ شىعاردى، دەپ حابارلايدى «شينحۋا» اگەنتتىگى.

ترامۆايدىڭ ءبىر ارتىقشىلىعى - ول قوزعالعان كەزدە، ەشقانداي لاستاۋشى زاتتاردى ءبولىپ شىعارمايدى. جانارماي ەلەمەنتتەرى ىشىندەگى رەاكسيانىڭ تەمپەراتۋراسى 100 گرادۋس سەلسيادان تومەن، سوندىقتان ەشقانداي ازوت وكسيدى پايدا بولمايدى. قوزعالتقىشتان شىعاتىن جالعىز زات - سۋ بولماق. ۆاگوننىڭ ەدەنى مەن رەلستەر اراسىنداعى قاشىقتىق 35 سانتيمەتردى قۇرايدى، بۇل جولاۋشىلاردى وتىرعىزۋدى جەڭىلدەتەدى. سۋتەگى قۇيۋ 15 مينۋتقا سوزىلادى، ال جانارماي 40 شاقىرىم جولعا جەتەدى. ترامۆايدىڭ ماكسيمالدى جىلدامدىعى ساعاتىنا 70 شاقىرىمدى قۇرايدى.

 اۆتور: اقبوپە ءابدراسۋل