«دوڭگەلەك ۇستەلدە» تاراپتار جەرگىلىكتى پوليتسيا مەن اكىمشىلىك قىزمەتتەر جۇمىستارىنىڭ قورىتىندىلارىن، سونداي-اق قوعامدىق ۇيىمداردىڭ ۇسىنىستارىن تالقىلادى. اتاپ ايتقاندا، تۇرعىن ءۇي-كوممۋنالدىق قىزمەت جانە جول قوزعالىسىن جاقسارتۋعا قاتىستى ماسەلەلەر قوزعالدى. كوشىكوۆ جانە باتىر بايان كوشەلەرىنىڭ قيىلىسىنا جاياۋ جۇرگىنشىلەرگە ارنالعان باعدارشام ورناتۋ، پەتەرفەلد ەلدى مەكەنىندەگى جارىق جۇيەسىن جەتىلدىرۋ، پەسترىي كولىنىڭ اينالاسىنداعى ۇيلەرگە باراتىن جولدىڭ بولماۋى سىندى تۇيىتكىلدەر باستى نازاردا بولدى.
«اۋىل» ح د پ پ س ق و فيليالىنىڭ ءتوراعاسى يۆان كەنديۋح پوليتسەيلەر مەن زەينەتكەرلەردى عىلىم سالاسىندا باتىلداۋ قادامدار جاساپ كورۋگە شاقىردى. ەكونوميكا عىلىمدارىنىڭ دوكتورىنىڭ اتاپ وتۋىنشە، زاڭگەرلىك مول ءبىلىمى مەن تاجىريبەسى بار زەينەتتەگى جانە قىزمەت ۇستىندەگى وفيتسەرلەردىڭ عىلىممەن اينالىسۋىنا ۇلكەن الەۋەت بار.
«ق ك ح پ وبلىستىق كوميتەتىنىڭ ءبىرىنشى حاتشىسى سەرگەي مارتەميانوۆ مەكتەپتەردە سوڭعى قوڭىراۋ جانە تۇلەكتەر كەشتەرى وتەتىن كەزدە سپيرتتى ىشىمدىكتەردىڭ ساتىلۋىنا موراتوري ەنگىزۋدى ۇسىندى»، - دەيدى باسپا ءسوز قىزمەتىندەگىلەر.
پوليتسيا كەڭسەسىنىڭ باسشىسى بەرىك ءبىلالوۆ ايتىلعان ۇسىنىستاردىڭ بارلىعىن زەردەلەپ، ولاردى شەشۋ مۇمكىندىكتەرىن قاراستىرۋعا ۋادە بەردى.