جۇما كۇنى قازاقستاننىڭ باسىم بولىگىندە جەل كۇشەيىپ، كوكتايعاق بولادى

كەي جەرلەردە جەل كۇشەيىپ، تۇمان ءتۇسىپ، بوران تۇرادى جانە كوكتايعاق بولادى، دەپ حابارلايدى «قازگيدرومەت» ر م ك.

اقمولا، قوستاناي، سولتۇستىك قازاقستان، اقتوبە وبلىستارىنىڭ ءبىرقاتار ايماقتارىندا بوران، كوكتايعاق بولادى، جەل سەكۋندىنا 15-20 مەترگە دەيىن كۇشەيىپ، سولتۇستىك قازاقستان، اقتوبە وبلىستارىندا تۇمان تۇسەدى.

قاراعاندى، جامبىل، شىعىس قازاقستان وبلىستارىنىڭ كەي جەرلەرىنە تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى. قاراعاندى وبلىسىندا كوكتايعاق بولادى.

كۇندىز قىزىلوردا وبلىسىندا جەلدىڭ كۇشى سەكۋندىنا 15-20 مەترگە جەتەدى.

باتىس قازاقستان وبلىسىندا كەيبىر جەرلەرگە تۇمان ءتۇسىپ، كوكتايعاق بولادى.

ماڭعىستاۋ، اتىراۋ، پاۆلودار وبلىستارىنىڭ ءبىرقاتار جەرلەرىنە تۇمان تۇسەدى.