پوليتسيا قىزمەتكەرلەرى تاراتقان مالىمەتتەرگە قاراعاندا، «Subaru» كولىگىنىڭ جۇرگىزۋشىسى كولىكتى باسقارا الماي، جول جيەگىندەگى مەتالل قورشاۋلاردى بۇزىپ، وزەنگە ءتۇسىپ كەتكەن. كولىكتە جۇرگىزۋشىمەن ءبىر جولاۋشى بولعان. ەكەۋى دە 1994 -جىلى تۋعان.
ولار وقيعا بولعان سوڭ اۋرۋحاناعا جەتكىزىلىپ، ءتيىستى مەديتسينالىق كومەك كورسەتىلگەن سوڭ ۇيلەرىنە جىبەرىلدى. وقيعانىڭ سالدارىنان زارداپ شەككەن وزگە ەشكىم جوق. كولىك بولسا ارنايى تەحنيكانىڭ كومەگىمەن سۋدان شىقارىلىپ، ايىپ تۇراعىنا جەتكىزىلدى.
بولعان وقيعا بويىنشا 610 -باپ نەگىزىندە «كولىك قۇرالىنىڭ جۇرگىزۋشىسى بەلگىلەنگەن جول قاۋىپسىزدىگى ەرەجەسىن بۇزىپ، جول بويىنداعى قورشاۋلاردى بۇزدى (10 نان 20 عا دەيىنگى ا ە ك نەگىزىندە ايىپپۇل سالىنىپ، 9 ايدان 1 جىلعا دەيىن جۇرگىزۋشى كۋالىگىنەن ايىرىلادى) اكىمشىلىك ءىس قوزعالدى. وسى كەزدە بولعان وقيعانىڭ وزگە دە سەبەپتەرى انىقتالۋدا.