1 - وپاليت (اي تاس)
ءسىز ۇنەمى ەركىندىككە ۇمتىلاسىز. دەنە مەن سانانى بوساڭسىتىپ، دەمالۋعا بولاتىن تىنىش جەردى ىزدەيسىز. ىشكى داۋىسىڭىزعا سەنەسىز. ءبىر مەزەتتە بارىنەن باس تارتىپ، ءومىردى جاڭادان باستاي الاسىز. «جاڭا ءومىر جولىندا» دۇرىس باعىتتا كەلە جاتقانىڭىزعا ۇنەمى سەنىمدى بولا المايسىز. كوبىنە ۋاقىتىڭىز كۇندەلىكتى شارۋالاردى قۇنتتاۋمەن وتەتىندىكتەن، تىنىشتىق پەن دەمالۋعا مۇمكىندىك ءجيى بولا بەرمەيدى.
جالعىز قالىپ، تىنىققان ۋاقىتىمىزدا دەنەمىزدىڭ ەنەرگياسى وزگەرە باستايدى. بۇل قىزىقتى يدەيا مەن جوسپارلاردىڭ تۋۋىنا اسەر ەتەدى. وپاليت - پەرىشتەلەر تاسى سانالادى. سوندىقتان، ءسىز بەيسانالى تۇردە «باسقا الەممەن» بايلانىستى سەزەسىز. بەيتانىس كۇشتەردىڭ سىزگە كومەكتەسىپ، كەڭەس بەرۋىن كۇتەسىز.
2 - جاسىل مالاحيت
بۇل تاستى ۇناتقان ادامنىڭ ومىرىندە وزگەرىستەر باستالدى. ولار ءومىر ءسۇرۋ سالتى، مەكەن جايى، جۇمىس ورنىنا قاتىستى بولۋى مۇمكىن. ىشكى ەنەرگياڭىزدىڭ كۇشتىلىگى بارلىق ماسەلەلەردى ورىن- ورنىنا قويىپ، شەشۋگە كومەكتەسەدى.
ۋاقىت وتكەن سايىن دانالىعىڭىز ارتىپ كەلەدى. جاڭا ءبىلىم الۋ دا سىزگە وڭاي. بۇرىن ساناڭىز ۋايىم مەن مۇڭعا تولى بولسا، قازىر ونىڭ ءبارىن ەركىندىككە جىبەرىپ، بولاشاقتى جيىرەك ويلايسىز. ومىردە بولاتىن وزگەرىستەردىڭ كومەكشى ەكەنىن تۇسىنەسىز. راسىندا دا كەز كەلگەن وزگەرىس (جاقسى بولسىن، جامان بولسىن) ءبىزدى ماقساتقا يتەرەتىن كۇش.
مالاحيت - مولشىلىق پەن بەرەكەنىڭ تاسى. سوندىقتان، ءوز باقىتىڭىز بەن تابىستى ىزدەۋ جولىندا مىندەتتى تۇردە ماقساتقا جەتەسىز. مالاحيت ءساتسىز ماحابباتتىڭ اياقتالىپ، جاڭا رومانتيكالىق سەزىمنىڭ تۋۋىنا اسەر ەتەدى. ءسىزدىڭ ۇرانىڭىز: «تابىستى بولۋعا دايىنمىن. نەگاتيۆتەن ارىلۋعا دايىنمىن. باقىتىمدى كەزدەستىرۋگە دايىنمىن!»
3 - كۇن تاسى
ءسىز ءار اتقان تاڭ ءۇشىن ريزا ەكەنىڭىزدى، تاڭەرتەڭ ويانا سالىپ، تاماشا كۇندى باستاۋعا دايىن ەكەنىڭىزدى جانە ومىرىڭىزدە ءسىزدى جاقسى كورەتىن، ءسىز قۇرمەتتەيتىن ادامداردىڭ بارىنا ريزا ەكەنىڭىزدى ويلاڭىز. بويىڭىزداعى ءار جاسۋشا قۋانىشقا تولى ەكەنىن سەزە بىلەتىن بولساڭىز، ومىرىڭىزگە جاقسى، جاعىمدى جايتتاردى كوپتەپ تارتاسىز. بۇل ومىرلىك ماسەلەلەردىڭ شەشىمىن تابۋعا كومەكتەسەدى. ەگەر باقىتتى ءومىردى اڭساۋمەن جۇرسەڭىز، كوپ كۇتپەي ارمانىڭىزعا قول جەتكىزەتىڭىزگە كۇماندانباڭىز.
4 - وبسيديان (قىزىل اعاش)
بۇل تاستى تاڭداعان ادامنىڭ بەيساناسى «اينالامداعى نەگاتيۆتەن ارىلىپ، باقىتتى ادام بولۋعا دايىنمىن» دەپ تۇنشىعۋدا. ارمان اسپانىنان جەرگە ءتۇسىپ، قولدا باردى باعالاپ، ريزا بولۋعا تىرىساسىز.
قىزعانىش، مۇڭ، رەنىش ادامدى جەگىدەي جەپ، كەدەي ەتەتىنىن ۇمىتپاڭىز. نەگاتيۆتى ويلار سانانى ۋلايدى. الايدا ءسىزدىڭ ەنەرگەتيكالىق بلوكتارىڭىز تەز جويىلادى. جاقىن ارادا نەگاتيۆتەن ارىلىپ، باقىتقا كەنەلۋگە كۇش- قۋات تاباسىز. باقىتتى ادامنىڭ بارىن باعالاپ، جوعىن جوقتامايتىن تاماشا قاسيەتى بار ەكەنىن تۇسىنەسىز.
5 - گوۆليت
ەگەر سىزگە بەسىنشى تاس ۇناسا، دەمەك جاقىن ارادا تۇسىڭىزدە بەلگىلى ءبىر ويلار، ساندار رەتىندە ايان كورەسىز. قازىر ىشكى داۋىسىڭىز باعىتتاعان جولمەن ءجۇرىپ كەلەسىز. بۇل دۇرىس. سوندىقتان «ينتۋيتسيانىڭ» بارىن مويىنداپ، ونى تىڭداي ءبىلۋدى ۇيرەنىڭىز. ول تابىسقا جەتۋ جولىن جەڭىلدەتەدى.
ەگەر ۇيقىسىزدىقپەن اۋىرساڭىز، دەمەك كۇنى بۇرىن سەزۋ قاسيەتىڭىزدى جوققا شىعاراسىز. ايگىلى «التىنشى سەزىمنىڭ» بارىن مويىنداپ، قۇلاق تۇرۋگە تىرىسىڭىز. سوندا كوپتەگەن قاتە شەشىمنىڭ الدىن الاسىز. گوۆليت رۋحاني جەتەكشىڭىز بار ەكەندىگىنىڭ بەلگىسى. سونىمەن بىرگە گوۆليت بالا كۇتىپ جۇرگەن ادامدارعا جاقىن ارادا جاقسى جاڭالىق كەلۋىنىڭ حابارشىسى.
6 - دالماتين دجاسپەر
قازىر ءومىردى قىزىقتى وقيعالار مەن ويىن- كۇلكىگە تولتىرار كەزەڭ. ەگەر ءسىز وسى كريستالدى تاڭداساڭىز، دەمەك ىشكى داۋىسىڭىز «مەن ويناپ، كۇلگىم كەلەدى!» دەپ داۋىستاۋدا. دەمەك ۇزاق ۋاقىت بويى ءسىز مۇڭايىپ، قاپالانىپ، ۋايىمداۋمەن بولدىڭىز.
دالماتين دجاسپەر ءار ادامنىڭ رۋحاني جاراتىلىس ەكەنىن ەسكە سالادى. ءومىردى قۋانىشقا تولتىرىپ، قىزىقتى ەتۋگە تىرىسۋ كەرەك ەكەنىن جار ەتەدى. ءتىپتى ەڭ اۋىر دەگەن ماسەلەنىڭ شەشىمى بار ەكەنىن ەسكە تۇسىرەدى.
«پ ت» توپتاماسىنان