بۇل تۋرالى مەملەكەتتىك قاۋىپسىزدىك قىزمەتىنىڭ باسپا ءسوز قىزمەتى تاراتقان مالىمەتتەردە ايتىلعان، دەپ حابارلايدى ترەند.
مەملەكەتتىك قاۋىپسىزدىك قىزمەتىنىڭ وكىلدەرى ازەربايجان مەملەكەتىنىڭ اۋماعىنان تىس جەردە ارەكەت ەتەتىن ءدىني-ەكسترەميستىك، تەرروريستىك ۇيىمىنىڭ ءبىر توپ ادامدارى باكۋدىڭ گاراگاداك اۋدانىنىڭ لوكباتان اۋىلىندا ورنالاسقان ۇيىندە ازەربايجان ازاماتى الەكبەروۆ باحتيار مامەدسادىگ وگلىنى «ءامىر» ەتىپ سايلاپ العاندىعىن انىقتادى.
اتالعان توپ مۇشەلەرى تەراكت ۇيىمداستىرۋ ءۇشىن ءتۇرلى جارىلعىش زاتتاردى قولدان جاساعان جانە ولاردى 22 -قازان كۇنى لوكباتان اۋىلىندا سىناقتان وتكىزگەن. سونىمەن قاتار، اتالعان توپ مۇشەلەرى 28 -قازاندا باكۋدە ءوتۋى ءتيىس ميتينگ بارىسىندا تەراكت ۇيىمداستىرۋ جونىندە كەلىسىمگە كەلگەن.
25 -قازان كۇنى مەملەكەتتىك قاۋىپسىزدىك قىزمەتى جۇرگىزگەن ارنايى وپەراتسيا بارىسىندا قىلمىستىق توپ مۇشەلەرى - الەكبەروۆ باحتيار مامەدسادىگ وگلۋ، ماسيملي انار مەحمان وگلۋ، گۋسەينلي دجاۆيد گۋسەين وگلۋ قارۋلى قارسىلىق كورسەتىپ، مەملەكەتتىك قاۋىپسىزدىك قىزمەتىنىڭ ارنايى توبى ولارعا قارسى ۇيىمداستىرىلعان قارىمتا شارالار بارىسىندا قىلمىسكەرلەردىڭ كوزىن جويدى.