چەرچيللدىڭ سوڭعى كارتيناسى ساتىلادى
ۇكىمەت جۇمىستارىنان شارشاپ، ءبىراز بوي سەرگىتۋ ماقساتىندا ۇلىبريتانيانىڭ بۇرىنعى پرەمەر- ءمينيسترى سۋرەت سالۋدى ادەتكە اينالدىرعان. بۇل كۇيزەلىستەن قۇتىلۋدىڭ ءبىر جولى ەدى. چەرچيلل كارتينالارى پەيزاج، پورترەت جانە ناتيۋرمورت باعىتتارىن قامتىدى. ونىڭ جۇمىستارىنىڭ جالپى سانى شامامەن 544 دانانى قۇرايدى. ال، سوڭعىسى «چارتۆەللدەگى التىن بالىقتار توعانى» دەپ اتالادى.
بۇل كارتينانى ساياساتكەر ەدمۋند ميۋررەي ەسىمدى كۇزەتشىگە سىيلاعان. ميۋررەي مىرزا 15 جىل بويى چەرچيللگە قىزمەت ەتىپ، سۋرەت سالعان كەزدەرىندە قىلقالام مەن مولبەرتتى تازالاۋعا كومەكتەسكەن ەكەن. كارتينا وسى كۇنگە دەيىن كۇزەتشىنىڭ ۇيىندە ساقتالعان جانە بۇرىن -سوڭدى ەشقاشان حالىق نازارىنا ۇسىنىلماعان. لوتتىڭ العاشقى باعاسى - £80 مىڭ. ۋينستون چەرچيلل ەسىمىمەن تىعىز بايلانىستى لوتتار ءباسساۋداعا ءجيى قويىلادى. مىسالى، وسى قازان ايىنىڭ ورتا شاماسىندا بوستونداعى RR Auction ءباسساۋدا ۇيىندە ۇلىبريتانيانىڭ بۇرىنعى پرەمەر- ءمينيسترى شەككەن شىلىم ساتىلدى. 10 س م شىلىم قالدىعى $12,2 مىڭعا باعالاندى.
Massaget.kz