شەتەلدەگى جانە ەلگە كوشىپ كەلگەن اعايىنداردى قولدايتىن قور قۇرىلدى
بيىل 13 -قازاندا ق ر پرەمەر-ءمينيسترى باقىتجان ساعىنتايەۆ ۇكىمەتتىڭ «وتانداستار قورى» مەملەكەتتىك كوممەرتسيالىق ەمەس اكسيونەرلىك قوعامىن قۇرۋ تۋرالى» №644-قاۋلىسىنا قول قويدى. قۇجاتقا سايكەس، قوعامداستىق قازاقستان رەسپۋبليكاسىنا كەلگەن ەتنيكالىق قازاقتار مەن شەتتەن كەلگەن اعايىندارعا قولداۋ كورسەتۋدى قامتاماسىز ەتەتىن بولادى.
«وتانداستار قورى» مەملەكەتتىڭ تولىقتاي قاتىسۋىمەن قۇرىلىپ وتىر. مەملەكەتتىك اكسيا پاكەتىنىڭ P يەلەنۋ جانە قولدانۋ قۇقىعى ق ر مادەنيەت جانە سپورت مينيسترلىگىنە بەرىلسە، قالعان جارتىسى - ق ر سىرتقى ىستەر مينيسترلىگىنە بەكىتىلدى.
ەسكە سالايىق، دۇنيەجۇزى قازاقتارىنىڭ V قۇرىلتايىندا قازاقستان پرەزيدەنتى نۇرسۇلتان نازاربايەۆ ۇكىمەتكە شەتتەگى جانە ەلگە كوشىپ كەلگەن اعايىنداردى قولداۋ ءۇشىن «وتانداستار» قورىن قۇرۋدى تاپسىرعان بولاتىن.