كۇن باتقانعا دەيىن جۇمىس ىستەپ، دوستار تاپقان ءونىمدى تەپە- تەڭ ەتىپ ەكىگە ءبولىپ الاتىن. كۇندەردىڭ كۇنىندە بويداق جىگىت ىشىنەن: «ءونىمدى جانە شىققان پايدانى تەپە- تەڭ بولگەنىمىز دۇرىس بولمادى، - دەپ ويلايدى، - مەن جالعىز تۇرامىن، سوندىقتان دا ايتارلىقتاي كوپ قاجەتتىلىگىم مەن شىعىنىم دا جوق» . وسىنداي ويمەن، ءتۇن سايىن ۇيىنەن شىعىپ، ءبىر قاپ ءونىمدى جاسىرىن تۇردە دوسىنىڭ ءۇي الدىنداعى قوراسىنا اپارىپ تۇراتىن بولادى.
دوسى دا ىشىنەن: «ءونىم مەن پايدانى بىردەي بولگەنىمىز دۇرىس ەمەس، مەن ۇيلەنگەنمىن، جۇبايىم مەن بالالارىم بار، قارتايعانىمدا ولار ماعان قارايتىن بولادى. دوسىمنىڭ بولسا ەشكىمى جوق، قارتايعان كەزىندە وعان قارايتىن ادام بولمايدى» ، - دەيدى. وسىلايشا بۇل دوسى دا ءتۇن جامىلىپ ۇيدەن شىعىپ، دوسىنىڭ قوراسىنا ءبىر قاپ ءونىم اپارىپ تۇرادى. وسىعان قاراماستان ەكى قوراداعى قاپتار سانى نەلىكتەن ەش ازايماعانىن ەكى دوس تا تۇسىنبەي جۇرەدى.
ءبىر ءتۇنى جاسىرىن تۇردە ءبىر- ءبىرىنىڭ قوراسىنا قاپ تاسىپ جاتقاندا، ءبىر- بىرىنە سوعىلىسىپ قالادى. سوندا عانا بولعان جاعدايدى تۇسىنەدى. قاپتاردى جەرگە قويا سالىپ، دوستار ءبىرىن- ءبىرى قۇشاعىنا الادى، ءبىر- بىرىنە دەگەن ادال نيەتى مەن دوستىعى الدىندا كوز جاستارىن تيا المايدى.
Massaget.kz