قانات يسلام جاڭارعان رەيتينگىندە ەكى ساتى جوعارىلادى

استانا. قازاقپارات - قازاق كاسىپقوي بوكسشىسى قانات يسلام جاڭارعان Boxrec رەيتينگىندە ەكى ساتى جوعارىلاپ، 11-ورىنعا كوتەرىلدى، دەپ جازادى ماسساگەت.

رەيتينگتە ءبىرىنشى ورتا سالماقتاعى بوكسشىلار اراسىندا امەريكالىق ەريسلاندي لارا كوش باستاپ تۇر. ەكىنشى ورىنعا ەكىنشى ءبىر امەريكالىق بوكسشى دجەرمەلل چارلو ورنالاسقان. ۇشتىكتى پۋەرتو-ريكالىق ميگەل كوتتو تۇيىندەپ تۇر.

قانات يسلام سوڭعى جەكپە-جەگىن 9- قىركۇيەك استانا قالاسىندا برەندون كۋككە قارسى وتكىزىپ، 9-راۋندتا تەحنيكالىق نوكاۋتپەن جەڭىسكە جەتكەن بولاتىن.

ءسويتىپ، وتانداسىمىز ءبىرىنشى ورتا سالماقتاعى WBO، NABO جانە WBA Inter- Continental چەمپيوندىق بەلبەۋلەرىن قورعاپ قالعان ەدى.

ايتا كەتەيىك، جاڭارعان رەيتينگتە جانات جاقيانوۆ رايان بارنەتتەن جەڭىلگەننەن كەيىن 8 ورىن تومەن سىرعىپ، 21-ورىنعا تۇراقتادى.