حالىقارالىق فۋتبول فەدەراتسياسى جىلدىڭ ەڭ ۇزدىك فۋتبولشىسىن انىقتادى
08:11, 22 - قازان 2017
استانا. قازاقپارات - حالىقارالىق فۋتبول فەدەراتسياسى (ف ي ف ا) جىلدىڭ ەڭ ۇزدىك فۋتبولشىسى اتالىمىنا كىمنىڭ يە ەكەندىگىن انىقتادى.
يسپاندىق Marca گازەتىنىڭ حابارلاۋىنشا، جىلدىڭ ۇزدىك فۋتبولشىسى رەتىندە مادريدتىك «رەالدىڭ» شابۋىلشىسى كريشتيناۋ رونالدۋ تانىلدى.
ف ي ف ا تۇجىرىمى بويىنشا رونالدۋ جانە ونىڭ سەرىكتەستەرىنىڭ باپكەرى زينەدين زيدان جىلدىڭ ۇزدىك جاتتىقتىرۋشىسى اتاندى، ال تۋريندىك «يۋۆەنتۋستىڭ» ويىنشىسى دجانلۋيدجي بۋففون ەڭ ۇزدىك قاقپاشى بولماق.
جەڭىمپازداردى سالتاناتتى تۇردە رەسمي حابارلاۋ شاراسى 23 -قازان كۇنى لوندوندا وتەدى.