جاقىندا حالىقارالىق زەرتتەۋشىلەر توبى ەجەلگى مىسىر وركەنيەتىنىڭ جويىلۋىنا جانارتاۋدىڭ اتقىلاۋى سەبەپ بولعانى جايلى ساراپتاما جاسادى. "Nature Communications" جۋرنالىندا جاريالانعان ماقالادا ءبىزدىڭ داۋىرىمىزگە دەيىنگى 44 - جىلى مىسىردى كلەوپاترا باسقارعان تۇستا جەر قىرتىسىنىڭ ءاربىر ايماقتارىندا جانارتاۋلار جويقىن اتقىلاعان. ىستىق گاز بەن كۇل مۋسسوندىق تسيكلدى بۇزىپ، ءنىل وزەنىنىڭ سۋىن ازايتقان. ال ەگىنشىلىكپەن اينالىساتىن حالىق ءۇشىن تابيعاتتىڭ بۇل توسىنسىيى شارۋاشىلىقتى ءبىرجولا توقتاتقان.
- جانارتاۋدان شىققان كۇل مەن ءتۇرلى گازدار كليماتتىڭ وزگەرۋىنە اكەلگەن. ءنىل وزەنىنىڭ سۋى تارتىلىپ، ەلدە اشارشىلىق باستالعان. مىسىر وركەنيەتىنىڭ قۇلدىراۋىنا بىردەن- ءبىر سەبەپ بولعان فاكتور - وسى، - دەيدى زەرتتەۋشىلەر. ايتا كەتەيىك، مىسىر وركەنيەتىنىڭ ادامزات تاريحىندا الار ورنى ايرىقشا. تاماشا عيماراتتاردىڭ، اسىرەسە پيراميدالاردىڭ سالىنۋىنا قاراپ ماتەماتيكا، گەومەتريا سياقتى عىلىم سالالارىنىڭ قانشالىقتى ساتىعا كوتەرىلگەندىگىن ايقىن اڭعارۋعا بولادى. ەڭ كونە ساعاتتار - سۋ مەن كۇن ساعاتتارىن العاش جاساۋشىلار دا وسى مىسىرلىقتار بولاتىن. استرونوميا عىلىمىمەن قاتار، مەديتسينا عىلىمى دا ءوز دامۋىندا زور تابىستارعا جەتكەن.
Massaget.kz