ءانشىنىڭ ايتۋىنشا، قالاداعى سۇندەت تويلاردىڭ بىرىنە بارعاندا قولىنا بەيتانىس كىسى تاپانشاسىن ۇستاتىپ قويىپ، ءانشىنى ارى-بەرى جۇلقىلاپ بيلەگەن دەپ حابارلايدى NUR. KZ.
«سۇندەت تويعا بارعانمىن، ول جەردە «ءتاتتىم -اۋ» دەگەن ءبىر ءاندى ايتىپ جاتىرمىن. ءوزىمنىڭ ءداستۇرىم بويىنشا مەن جارىقتىڭ اق-سارى، قىزىل-جاسىل بولىپ تۇرعانىن ۇناتامىن. ءسويتىپ حالىق شىعىپ بيلەسىن دەپ ويىمدا ەشتەڭە جوق ءانىمدى ايتىپ تۇرمىن، قاپ-قاراڭعى ءبارى بيلەپ جاتىر.
ءبىر ۋاقىتتا ءوزىم قاتارلى ءبىر جىگىت كەلدى. گرۋزيندەر سياقتى ءبي بيلەپ جاتىر. مىنا كىسى سۋرەتكە تۇسەيىن دەپ تۇر ما، الدە الدىما تۇرىپ الىپ، جاي بيلەپ تۇر ما مىنا كىسى دەپ ويلاپ تۇرمىن.
ءبىر ۋاقىتتا بيلەپ تۇردى دا قولىما اۋىر ءبىر زاتتى بەرە سالدى. قاراپ قالسام قاپ-قارا تاپانشا، ءوزى وتە سونداي اۋىر. سونى ۇستاتىپ قويىپ، ارى قاراي بيلەپ ءجۇر»، - دەيدى ءانشى.
قولىنداعى شىنايى تاپانشانى كورگەندە مارجان ساسقالاقتاپ قالعانىن ايتتى. كەيىننەن ءانشىنىڭ قولىنداعى تاپانشاسىن بايقاپ قالعان قوناقتاردىڭ ءبىرى ونى يەسىنە قايتارتىپ الدىرعان.
«ءبىر ۇلكەن كىسى جانىما جۇگىرىپ كەلدى. باسىندا بورىگى بار، ۇلتتىق كيىمدەگى اتا جاڭاعى تاپانشانىڭ يەسىنە بارىپ: «ال» دەدى. جاڭاعى جىگىت قولىمنان تاپانشاسىن الىپ، بەلىنە قايتا قىستىرىپ قويدى»، - دەدى مارجان اراپبايەۆا.