ساۋاپتى ءىس جاساۋ ءۇشىن مەشىت سالۋ مىندەتتى ەمەس - ەرمەكبايەۆ
شارا بارىسىندا «ۋاقىپ» قايىرىمدىلىق قورى قامقورشىلار كەڭەسىنىڭ ءتوراعاسى، مينيستر نۇرلان ەرمەكبايەۆ ءسوز سويلەپ، قازاقستاندا يگىلىكتى، ساۋاپتى ىستەر جاساۋعا نيەتتى ادامداردىڭ قاتارى كوبەيىپ كەلە جاتقانىن باسا ايتتى.
«ءدىن جولىندا «ساۋاپتى ءىس» جاساۋ ءۇشىن تەك قانا مەشىت سالۋ مىندەتتى ەمەس. قوعام ءۇشىن پايدالى بولىپ ەسەپتەلەتىن كەز- كەلگەن يگىلىكتى ءىستى جاساۋعا بولادى. ونىڭ ىشىندە مەكتەپتەر، اۋرۋحانالار، جول سالۋ، كوپىر سالۋ سەكىلدى قوعامعا پايدالى كەز كەلگەن ءىس ساۋاپقا جاتادى. قوردىڭ جۇمىسى اتالعان ماسەلەنى شەشۋگە باعىتتالعان. ول قايىرىمدىلىق جاساۋ جولىنداعى ىستەردى ءتيىمدى جۇيەگە سالۋعا ۇلەس قوسادى. ەڭ باستىسى - ءبارى اشىق جانە قوعام ءۇشىن پايدالى بولۋى ءتيىس»، - دەدى نۇرلان ەرمەكبايەۆ.
قوردىڭ قاراجاتى ءدىني عيماراتتار مەن الەۋمەتتىك نىسانداردى سالۋعا، ءدىني قىزمەتكەرلەر مەن كەدەيلەرگە، جۇمىسسىزدار مەن مۇگەدەكتەرگە قولداۋ كورسەتۋگە ارنالعان جوبالاردى ىسكە اسىرۋعا باعىتتالادى.
ن. ەرمەكبايەۆتىڭ ايتۋىنشا، مۇنداي مەكەمەلەر قايىرىمدىلىق جاساۋ داستۇرلەرى قالىپتاسقان كوپتەگەن ەلدەردە كەڭ تارالعان. «ۆاكف» ينستيتۋتى مۇسىلمان ەلدەرىنىڭ حالىقتارى اراسىندا كەڭىنەن قولدانىلادى، سونداي- اق ارنايى قۇرىلعان «ۆاكف» مينيسترلىكتەرى دە جۇمىس ىستەيدى. اتالعان جۇيە قازىردىڭ وزىندە تاياۋ شىعىستاعى يسلام ەلدەرىندە عانا ەمەس، سونىمەن قاتار زايىرلى مەملەكەتتەردە دە جۇزەگە اسىرىلۋدا. مىسالى، رەسەي فەدەراتسياسىنىڭ كەيبىر وڭىرلەرىندە، قىرعىزستان مەن تۇركيادا بار.
ءىس- شارا سوڭىندا «ۋاقىپ» قورى مەن «ال ساكر فينانس» ا ق، «استانا بانكى» ا ق اراسىنداعى ىنتىماقتاستىق تۋرالى مەموراندۋمدار بەكىتىلىپ، مەتسەناتتار قايىرىمدىلىق كومەك كورسەتۋگە ۋاعدالاستى.
ايتا كەتەرلىگى، شاراعا ق ر ءدىن ىستەرى جانە ازاماتتىق قوعام مينيسترىنەن بولەك قازاقستاننىڭ باس ءمۇفتيى، قازاقستان مۇسىلماندارى ءدىني باسقارماسىنىڭ ءتوراعاسى ەرجان مالعاجى ۇلى، مەملەكەتتىك ورگاندار مەن بيزنەس قاۋىمداستىقتاردىڭ وكىلدەرى قاتىسقان.
اۆتور: مارلان جيەمباي