وتاندىق زىلتەمىرشىلەر سپورتقا مۇلدەم ورالماۋى مۇمكىن

استانا. قازاقپارات - ەلىمىزدىڭ زىلتەمىرشىلەرى تاعى دا ۇلكەن داۋعا قالدى.

سەبەبى حالىقارالىق اۋىر اتلەتيكا فەدەراتسياسى دوپينگ داۋىنان سوڭ، ۇلتتىق قۇرامانى ءبىر جىلعا سپورتتان شەتتەتىپ تاستادى.

قازىر ەلىمىز شەتەلدىك ۇيىمنىڭ شەشىمىنە قارسى شاعىم تۇسىرۋگە ازىرلەنىپ جاتىر. بۇل تۋرالى ك ت ك حابارلايدى.

ءسويتىپ، ەل قورجىنىنا التىن اكەلۋمەن اتى شىققان سپورت ءتۇرى ۋاقىتشا تۇرالاپ قالماق. جالپى، كۇش-قۋات بەرەتىن ءدارى ىزدەرى 2008-2012 -جىلدارى وليمپياداعا قاتىسقان مايا مانەزا، زۋلفيا چينشانلو، سۆەتلانا پودوبەدوۆا مەن يليا يليننىڭ قانىنان تابىلعان ەدى. ەندى وسى داۋعا قالعان سپورتشىلاردىڭ كەسىرىنەن قازاقستان قۇراماسى تولىقتاي ءبىر جىلعا سپورتتان شەتتەتىلىپ وتىر.

ياعني، ۇلتتىق قۇراما جاقىندا ا ق ش- تا وتەتىن الەم چەمپيوناتىنا قاتىسا المايدى دەگەن ءسوز. ايتا كەتەيىك، قازاقستانمەن قوسا قارا تىزىمگە تۇركيا، رەسەي، قىتاي مەن بەلارۋس، مولدوۆا جانە ءازىربايجان دا ىلىگىپ وتىر. ولاردىڭ دا سپورتشىلارى كۇش-قۋات بەرەتىن ءدارىنى ىشكەنى انىقتالعان. ەندى اۋىر اتلەتيكا فەدەراتسياسى شتانگاشىلارىمىزدى جىلدامىراق سپورتقا قايتارۋدى ويلاپ وتىر.

«حالىقارالىق اۋىر اتلەتيكا فەدەراتسياسىندا قازىر ارنايى كوميستسيا قۇرىلعان. ول دوپينگ داۋىنا ىلىككەن ەلدەردى باقىلايتىن بولادى. ءبىز سولارعا دارىمەن كۇرەسىپ جاتقانىمىزدى كورسەتىپ، سپورتتان شەتتەتۋ ۋاقىتىن قىسقارتقىمىز كەلىپ وتىر»، - دەدى ق ر اۋىر اتلەتيكا فەدەراتسياسىنىڭ جاۋاپتى حاتشىسى اسحات باعلان.