ءبىر كۇندە بوسانعان اناسى مەن قىزى دارىگەرلەردى تاڭ-تاماشا ەتتى - فوتو

استانا. قازاقپارات - 42 جاستاعى سيريالىق ايەل مەن ونىڭ تۋعان قىزى ءبىر كۇندە بوساندى. ەكەۋى دە تۇركيا پەرزەنتحانالارىنىڭ بىرىندە كەساريەۆونىڭ(وتانىڭ) كومەگىمەن بوسانعان.

فاتما مەن گادە ۇلدارىن رەدجەپ جانە تايىپ دەپ اتادى.

بۇل تۋرالى The Daily Mail باسىلىمى حابارلايدى.

بۇگىن تۇركيانىڭ كونە قالاسىندا 42 جاستاعى فاتما بيرينچي مەن ونىڭ تۋعان قىزى گادە بيرينچي بىرگە بوساندى. اناسى مەن قىزى وسىدان ءۇش جىل بۇرىن وتاندارىنان قاشىپ كەلگەن ەكەن. جاڭا ەلگە كەلگەن بەتتە وزدەرىنىڭ جۇكتى ەكەندەرىن بىلگەن.

 

جاڭا تۋعان سابيلەرگە تۇركيانىڭ العاشقى پرەزيدەنتتەرىنىڭ بىرىنە ۇقساتىپ رەدجەپ جانە تايىپ دەگەن ەسىم بەرگەن.

 

«مەن بۇرىن-سوڭدى مۇنداي جاعداي تۋرالى ەستىمەپپىن. ولار سوعىستان قاشىپ، ءبىزدىڭ ەلىمىزدە ءۇش جىلدان بەرى تۇرىپ جاتىر ەكەن»، - دەيدى دارىگەر ەركان اتاش. ال گينەكولوگ دارىگەر نەيم انسەل بۇل وقيعانى «تاڭعاجايىپپەن» تەڭەستىردى. ازىرگە ۇلداردىڭ اكەلەرى قايدا ەكەندەرى بەلگىسىز.