بەتتى جاۋىپ جۇرۋگە زاڭمەن تىيىم سالىندى
بۇل زاڭ نيكاب، بۋركۋ نەمەسە پاراندجا كيەتىندەرگە قاتىستى. زاڭدى بۇزعاندارعا 150 ەۆرو كولەمىندە ايىپپۇل سالىنادى، ەگەر ونى تولەمەسە زاڭ بۇزۋشىلاردى ۇستاپ، تۇسىنىكتەمە الىنادى.
زاڭ شىعارۋشىلاردىڭ ايتۋىنشا، اتالمىش قۇجاتتىڭ ماقساتى - ميگرانتتار مەن بوسقىنداردىڭ اۆستريالىق قوعامعا ىقپالداسۋى جانە ەلدە تۇراتىن كوپتەگەن ۇلتتاردىڭ بەيبىت ءومىر ءسۇرۋىن قامتاماسىز ەتۋ.
تەك حيدجابقا، مەديتسينالىق ماقساتتاعى داكە بايلاۋىشقا رۇقسات ەتىلدى. سونداي-اق، دارىگەرلەر، قۇرىلىسشىلار، اكتەرلەر، ءداستۇرلى مەرەكەلەرگە قاتىساتىن تۇلعالار جاۋاپقا تارتىلمايدى.
قۇقىق بۇزۋشىلىقتى انىقتاعاننان كەيىن، پوليتسيا تۇلعاعا زاڭ بۇزۋشىلىققا جول بەرمەۋىن ەسكەرتەدى، ودان كەيىن كيىمنىڭ جابۋ ەلەمەنتىن الىپ تاستاۋدى تالاپ ەتەدى. بۇل زاڭ تۋرالى اقپارات باسقا ەلدەردىڭ ەلشىلىكتەرىنە، مۇسىلمان جاماعاتىنا جانە حالىقارالىق ۇيىمدارعا تاراتىلدى.