قىتاي پروۆينسياسىنان قازاقستانعا العاشقى جۇك كونتەينەرلەرى اتتاندى
08:57, 02 - قازان 2017
استانا. قازاقپارات - 1 -قازان كۇنى قىتايدىڭ شانشي پروۆينسياسىنىڭ اكىمشىلىك ورتالىعى تايۋان قالاسى مەن قازاقستاننىڭ پاۆلودار قالاسى اراسىنداعى جۇك تاسىمالى بويىنشا العاشقى تەمىرجول رەيسى ىسكە قوسىلدى. بۇل تۋرالى شينحۋا اگەنتتىگى حابارلادى.
41 كونتەينەردەن تۇراتىن تەمىرجول قۇرامى بۇگىن تاڭەرتەڭ تايۋاننىڭ "جۋندين" لوگيستيكالىق پاركىنەن اتتاندى. پاۆلودارعا دەيىنگى ارا- قاشىقتىق - 3705 شاقىرىم. ەكى ەل قالالارى اراسىنداعى جۇك تاسىمالدايتىن تەمىرجول رەيسى جۇكتەردى جەتكىزۋ مەرزىمىن جەتى كۇنگە دەيىن ازايتادى.
تايۋان- پاۆلودار جەلىسى شانشي پروۆينسياسىنان ورتالىق ازيا وڭىرىنە شىعاتىن العاشقى جۇك رەيسى بولىپ تابىلادى.