بۇل تۋرالى ءوڭىر ۇكىمەتىنىڭ باسپا ءسوز قىزمەتى حابارلادى.
«بۇل جەكەمەنشىكتەگى تەرريتوريا جانە ءبىز زاڭ بويىنشا وعان كىرىسپەۋىمىز كەرەك. ەگەر بىزگە پوليتسيا نەمەسە مارقۇمنىڭ تۋعان- تۋىستارى ءوتىنىش بىلدىرسە عانا ارالاسا الامىز. ونداعى جان- جانۋارلار توردىڭ ىشىندە. ازىرگە ىندەتتىڭ تارالۋ قاۋپى جوق»، - دەپ تۇسىندىرەدى باسپا ءسوز قىزمەتى.
تەرگەۋ كوميتەتى بلوگەردىڭ ولىمىنە بايلانىستى تەكسەرىس جۇرگىزۋدە. ال مەرت بولعان جاننىڭ ۇيىندە 300 جىلان جانە وزگە دە ەكزوتوكالىق جانۋارلار بار.
25 - قىركۇيەكتە ۆالەيەۆ ۋلى جىلاننىڭ شاعۋى سالدارىنان اۋرۋحانادا كوز جۇمعاندىعى بەلگىلى بولدى. 23 - قىركۇيەككە قاراعان ءتۇنى ءوز ارناسىنداعى تىكەلەي ەفيردە بلوگەردى جىلاننىڭ ءبىر ءتۇرى - قارا مامبا شاعىپ اۋرۋحاناعا تۇسكەن ەدى.
اۆتور: ەرلان قوجاكەلديەۆ