شۆەتسياداعى مەشىتتى بىرەۋلەر قاساقانا ورتەپ جىبەردى
19:55, 26 - قىركۇيەك 2017
استانا. قازاقپارات - شۆەتسيانىڭ ورتالىق بولىگىندەگى ەرەبرۋ قالاسىندا بولعان ءورت سالدارىنان مەشىت وتقا وراندى، دەپ حابارلايدى SVT تەلەارناسى.
تەلەارنا مالىمەتتەرىنە سۇيەنسەك، مەشىتتىڭ 2007-جىلى سالىنعان بولىگى تۇتاستاي ورتەنىپ كەتكەن.
پوليتسيا مالىمەتىنشە، ءورت قاساقانا ۇيىمداستىرىلعان. وقيعادان زارداپ شەككەندەر جوق.