قارجى اكادەمياسى قىتايمەن ارىپتەستىك كەلىسىم جاساستى

 استانا. قازاقپارات - قازاقستاننىڭ قارجى مينيسترلىگىنە قاراستى قارجى اكادەمياسى قىتاي مەملەكەتتىك سالىق اكىمشىلىگىنىڭ سالىق ينستيتۋتىمەن ءبىلىم بەرۋ سالاسىنداعى ارىپتەستىكتى جانداندىرۋ جونىندە كەلىسىمشارت جاساستى.

 ەندى اتالعان وقۋ وردالارىنىڭ ستۋدەنتتەرى مەن وقىتۋشىلارى ءوزارا تاجىريبە الماسىپ، ءتۇرلى كۋرستارعا قاتىسادى. ەكى وقۋ ورنى اراسىنداعى قارىم- قاتىناس نەگىزىنەن بىرىگىپ، جاڭا وقۋ باعدارلامالارىن ازىرلەۋگە ارنالادى. سونىمەن قاتار بىرلەسكەن عىلىمي- ساراپتامالىق زەرتتەۋ جۇمىستارىن جۇرگىزىپ، وقىتۋشىلاردىڭ بىلىكتىلىگىن كوتەرۋ باعىتىندا دا كەلىسىم بار. قىتايلىق ماماندار قازاقستاندىق ارىپتەستەرىمەن ىنتىماقتاستىق ورناتقاندارىنا ءدان ريزا. سەبەبى قول قويىلعان مەموراندۋم ەكى ەل ستۋدەنتتەرىنىڭ تەرەڭ ءبىلىم الىپ، تاجىريبە جيناۋىنا ۇلكەن مۇمكىندىك اشادى.

www.24.kz