جولدىڭ ازابىن جۇرگەن بىلەدى. جولاۋشىلاپ جۇرەتىن حالقىمىز جۇرەتىن جولعا دا نەبىر اتاۋ بەرگەن. ءبىلىپ جۇرگەنىمىز ارتىق ەتپەيدى.
ايداۋ جول - كەڭ، كوپ جۇرىلگەن جول.
ايرىق جول - ەكىگە، ۇشكە ايرىلعان جول.
اربا جول - كولىك جەككەن اربا جول.
اسپا جول - اڭعار ۇستىنەن اسىلدىرا سالعان ىلمە جول.
اسۋ جول - تاۋ جوتاسىن، بيىك قىراتتى باسىپ وتەر ءورلى جول.
اۋە جولى - ۇشاقتار جولى.
داڭعىل جول - سايراپ جاتقان تەگىس، تاقتاق جول.
جالعىز اياق جول - جاياۋ جانە سالت اتتى ادام جۇرەتىن سوقپاق.
جال جول - قىر ۇستىندەگى جالعىز اياق جول.
جىم - اڭدار جۇرەتىن جول.
كۇزەر جول - كەڭ جول.
كۇرەڭ جول - كەڭ داڭعىل جول.
كۇرە جول - نەگىزگى باستاۋ جول.
قاپتال جول - قاتار جارىسا تۇسكەن جول.
قارا جول - اربا جۇرەتىن ەسكى ۇلكەن جول.
قاسقا جول - ايقىن ءتۇزۋ جول.
قويان جىمىنداي جول - يرەك، جىقپىلدى، بۇرىلىسى كوپ سۇرلەۋ.
سايراق - ۇزاق ءسۇرى، كۇرە جول.
سار جول - قاشىق جول.
سوقپاق - ادام، مال ءجۇرىپ ابدەن تاپتالعان جالعىز اياق جول.
سۇرلەۋ - كوپتەن بەرى جۇرىلمەگەن كومەسكى جول.
سوراپ - ەسكى جولدىڭ ەسىمى.
سۋ جولى - كەمە جولى.
تابان جول - جالعىز اياق، سۇرلەۋ، سوقپاق.
تاپتاۋرىن جول - جۇرە- جۇرە تاپتالعان ەسكى جول.
تاستاق جول - ۇساق قيىرشىق تاستى جول.
تەمىر جول - پويىز جولى.
توراپ - جولداردىڭ توعسقان ءتۇيىلىسى.
توتە جول - تۋرا، جاقىن جول.
ۇلى جول - ۇلكەن ماڭىزدى جول.
شانا جول - شانا جۇرەتىن قارلى جول.
شاتقالدى جول - تار قىسپاقتى اڭعارداعى جول.
شىتىرمان جول - ءبىرىن- ءبىرى كەسىپ وتكەن ايقىش- ۇيقىش جول.