ەرلان رىسقالي: «مەن قازاقپىن» جوباسى ۇلتتىق ونەردى جانداندىردى - كەسكىن
12:40, 25 - قىركۇيەك 2017
استانا. قازاقپارات - بۇگىن ءداستۇرلى ءانشى ەرلان رىسقالي ستۋديا قوناعى بولىپ، قازاقتىڭ ۇلتتىق ونەرىنە قاتىستى پىكىرىمەن ءبولىستى.
«مەن قازاقپىن» جوباسى دەر كەزىندە كەلگەن جوبا. ويتكەنى، ۇزاق ۋاقىت بويى ەلىمىزدىڭ قانداي دا اقپارات كەڭىستىگى بولماسىن ۇلتتىق ونەرگە نەمقۇرايلىلىق تانىتتى. مەگا جوبا قۇلاپ جاتقان دۇنيەنى قايتا كوتەرىپ، ءبىر ارناعا توعىستىردى.
وسى باعدارلاما ارقىلى قاراكوز ءىنى-قارىنداستارىمىز دومبىراسىن قولىنا قايتا الىپ، ۇلتتىق ونەردى سانگە اينالدىرۋدا. مۇندا ۇلتتىق ارنانىڭ ءرولى ەرەكشە. ءبىز ستۋدەنت بولعان كەزدە ۇلتتىق ونەر قاتتى قۇلدىرادى. ءوزىمىز ۇلكەن اعالاردى كورىپ، ولاردان ۇيرەنىپ، شىڭدالدىق. ول كەزدەگى ۇستازدارىمىز دا، ورتامىز دا مىقتى بولدى. ءبىراق ءبىر كەمشىلىگى، بىزدە ناسيحات بولمادى. ونەرپازدىڭ تالپىنىپ، ەفيرگە شىعۋىنا مۇمكىندىك بولمادى»، - دەيدى ءانشى.